Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. september. 2013 09:01

Verulegur hagnaður Spalar fyrri hluta ársins

Rekstur Spalar, rekstrarfélags Hvalfjarðarganga, skilaði liðlega 120 milljóna króna hagnaði eftir skatta á fyrri hluta þessa árs. Um 34 milljóna króna hagnaður varð af rekstrinum á sama tímabili í fyrra. Umferð í Hvalfjarðargöngum er ívið meiri í ár en ráð var fyrir gert og tekjur af henni sömuleiðis. Þetta kemur fram í rekstraryfirliti sem Spölur birti sl. föstudag . Þar kemur fram að veggjaldið hafi skilað félaginu 508 milljóna króna tekjum á tímabilinu en sambærileg tala í fyrra var 483 milljónir króna. Í tilkynningu frá Speli segir að greiðslugeta félagsins sé sterk. Það greiddi 627 milljónir króna í afborganir lána og vexti árið 2012 og átti fjármuni umfram það í lok árs, eins og kveðið er á um í lánasamningum. Rekstrarkostnaður Spalar án afskrifta nam 177 milljónum króna á fyrri hluta ársins og jókst um 11 milljónir króna frá fyrra ári. Vaxtagjöld, verðbætur og gengismunur lækkuðu um liðlega 38 milljónir króna frá í fyrra. Skuldir jukust hins vegar á tímabilinu. Þær námu 3.821 milljón króna í lok árs 2012 en voru 4.022 milljónir króna um mitt ár 2013. Auknar skuldir skýrast af verðbreytingu lána og áföllnum vöxtum af langtímalánum.

Þá mun rekstur Hvalfjarðarganga styrkjast í kjölfar nýlegs útboðs á tryggingum. Tryggingaiðgjöld vegna Hvalfjarðarganga lækka verulega með samningi sem Spölur ehf. hefur gert við tryggingafélagið TM. Sem kunnugt er á uppgreiðslu lána Spalar að ljúka í lok árs 2018 og verða þá Hvalfjarðargöng afhent ríkinu sem hrein eign. Veggjald um göngin munu þá væntanlega leggjast af. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is