Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. september. 2013 06:01

Ríkið komi til móts við landshlutasamtökin vegna halla á almenningssamgöngum

Fulltrúar Samtaka sveitarfélaga á Vesturlandi hafa lýst yfir miklum áhyggjum yfir þeirri stöðu sem upp er kominn í rekstri sameiginlegs almenningssamgöngukerfis sem samtökin hafa rekið í samstarfi við þrjú önnur landshlutasamtök síðastliðið ár með fulltingi Strætó bs. Þetta kemur fram í ályktun sem fulltrúar SSV stóðu að með samstarfsaðilum sínum, fulltrúum Samtaka sveitarfélaga á Norðurlandi vestra, Fjórðungssambands Vestfjarða og Eyþings, sem samþykkt var á fundi að Staðarflöt í Hrútafirði í fyrradag. Fram kemur í ályktuninni að rekstraráætlanir hafa ekki staðist þrátt fyrir fjölgun farþega og munar þar mestu um forsendubrest í samskiptum við ríkið sem orðið hefur frá því landshlutasamtökin tóku við verkefninu í byrjun september í fyrra.

 

 

 

„Er þar sérstaklega vísað til lækkunar á niðurgreiðslu olíugjalds til almenningssamgangna. Þá hafa einkaleyfi sem landshlutasamtök tóku við á umsömdum akstursleiðum við samningsgerðina hvorki haldið, verið tryggð eða bætt með öðrum hætti,“ segir í ályktun fundarins. Vilji landshlutasamtakanna er hins vegar sá að halda verkefninu áfram en til þess að svo megi verða þarf ríkið að koma til móts við þau, aðallega með því að tryggja einkaleyfi og nauðsynleg fjárframlög. „Áríðandi er að framtíðarskipan þessara mála verði frágengin sem allra fyrst og vænta landshlutasamtökin góðs samstarfs við ráðherra um lausn málsins.“

 

16 milljóna króna hallarekstur

Að sögn Ólafs Sveinssonar hjá SSV er eindreginn vilji hjá samtökunum fjórum að finna flöt á því að halda verkefninu áfram. Notkun á leiðarkerfinu hefur verið yfir væntingum og því ljóst að kerfið sé að höfða til íbúanna. Verið sé að skoða ýmsar leiðir í þessu sambandi, en hins vegar er ljóst að ríkið verður að koma betur til móts við landshlutasamtökin en nú er gert. „Sem dæmi hefur lækkun á niðurgreiðslu olíugjalds, sem framkvæmd var í febrúar, vegið þungt í rekstri leiðarkerfanna, en frekari skerðing niðurgreiðslna er í pípunum á næstu tveimur árum. Þar að auki hafa hópferðafyrirtæki verið að bjóða upp á áætlanaferðir í sumar á akstursleiðum sem við höfum sérleyfi á. Stjórnvöld hafa ekki tryggt að sérleyfið haldi og því verður Strætó af farþegum,“ segir Ólafur.

 

Uppsafnaður halli á rekstri leiðarkerfisins, sem telur leiðir 57, 58 og 59 hjá Strætó, nemur um 16 milljónum króna á einu ári, það er frá 1. september á síðasta ári til ágústloka síðastliðinn, og segir Ólafur að tapið sé tilkomið á rekstri þess á fyrstu fjórum mánuðunum. „Ekki er stefnt að öðru en að reka samgöngukerfi sem stendur undir sér og kemur margt til athugunar í því sambandi. Ljóst er hins vegar að ríkið þurfi að koma betur til móts við verkefnið.“ Undir þetta tekur Gunnar Sigurðsson, formaður stjórnar SSV, sem telur að ríkið verði að koma til móts við forsendubrestinn. „Lækkun niðurgreiðslu á olíugjaldi vegur þungt í þessu en ekki var gert ráð fyrir því í módelinu sem lá til grundvallar áður en við fórum í þetta verkefni,“ sagði Gunnar sem segir að málið veri rætt frekar á aðalfundi SSV sem hefst í Reykholti á morgun.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is