Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. september. 2013 06:01

Háskólanemar bjóðast til að vinna rekstraráætlanir

Háskólinn á Bifröst hefur hrint af stað sérstöku átaksverkefni í samstarfi við Samtök sveitarfélaga á Vesturlandi með það að marki að efla tengsl atvinnulífs í landshlutanum og skólans. Vilhjálmur Egilsson er byrjaður kynningu á þessu verkefni og fór sú fyrsta fram í Arion banka í Borgarnesi síðastliðinn fimmtudag. Í þessari viku verður sambærileg kynning t.d. á vegum Landsbankans á Akranesi. „Háskólinn á Bifröst óskar nú eftir liðsinni fyrirtækja við að mennta nemendur skólans með þátttöku í sérstöku nemendaverkefni sem felst í gerð rekstraráætlana fyrir lítil og meðalstór fyrirtæki á Vesturlandi. Með því munu nemendur Háskólans á Bifröst öðlast betri færni í að vinna raunhæf verkefni í atvinnulífinu, en um leið getur verkefnið komið að miklu gagni fyrir fyrirtækin sem taka þátt,“ sagði Vilhjálmur.

 

 

 

Gerð rekstraráætlana er námsgrein sem háskólanemar á Bifröst fara í gegnum en hún gefur sex einingar til prófs. Bæði viðskiptafræði- og lögfræðinemendur við skólann munu spreyta sig í þessu námi. Vilhjálmur segir að byrjað verði strax í haust og muni gerð rekstraráætlana byggja á ársreikningum og samtölum við stjórnendur þeirra fyrirtækja sem vilja leggja skólanum lið og kallar hann eftir samstarfi við a.m.k. 30-40 fyrirtæki á Vesturlandi nú í upphafi. Meðal þess sem lögð verður áhersla á í byrjun er að skoða veltu fyrirtækja, virðisaukaskattsuppgjör, launakostnað, lánasamninga, ráðningarkjör starfsfólks og ýmis önnur atriði í rekstri fyrirtækjanna til að leggja mat á rekstrarhorfur þeirra á næsta ári. Vilhjálmur segir ákveðið að efla til muna samstarf skólans við atvinnulífið enda ættu stjórnendur á Vesturlandi að líta á skólann sem „sinn skóla.“ Aukið samstarf muni verða beggja hagur; skólans og atvinnulífsins.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is