Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. september. 2013 11:23

Öryggisbúnaður kom upp um sumarbústaðaþjófa

Lögreglunni í Borgarfirði og Dölum var tilkynnt um yfirstandandi innbrot í sumarbústað innarlega í Skorradal síðastliðið föstudagskvöld. Lögreglan fór á staðinn og handtók sex ungmenni af höfuðborgarsvæðinu sem við athugun reyndust vera með flatskjá í bílnum. Ungmennin voru að svo búnu færð til yfirheyrslu á lögreglustöðina í Borgarnesi, þar sem 19 ára stúlka í hópnum var kærð fyrir að aka undir áhrifum fíkniefna. Í ljós kom að þarna var að hluta til um vant fólk að ræða og hafði einn málsaðili, rúmlega tvítugur piltur, brotist inn í nokkra bústaði í Skorradalnum, ásamt öðrum, árin 2010 og 2011.  Honum tókst hins vegar ekki að brjótast inn í bústaði árið 2012 af þeirri ástæðu að þá sat hann á Litla Hrauni fyrir innbrotin í Skorradalnum árin á undan. Fram kom við yfirheyrslur á þjófagenginu að það hefði forðast bústaðahverfi sem eru með hliðlæsingum og myndavéla- og öryggisbúnaði. Þjófarnir hafi hins vegar ekki áttað sig á því að í bústaðnum sem brotist var inn í var gott öryggiskerfi, en sá búnaður náði myndum af þeim og kom boðum til lögreglu.

Allnokkur ófriður hefur verið vegna innbrota í sumarbústaði í Borgarfirði á síðustu árum og hafa bústaðaeigendur víða tekið sig saman um að verja betur sín hverfi með símastýrðum öryggishliðum og myndavélavöktun. Að sögn lögreglu hefur þessi búnaður verið að virka, oftast til fælingar en einnig til þess að innbrotsþjófarnir náist og þýfið skili sér, eins og gerðist í þetta skipti. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is