Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. september. 2013 07:45

Víkingar unnu stórt og Skagamenn fallnir

Skagamenn eru fallnir úr Pepsídeildinni og spila í 1. deild næsta sumar, en Víkingur Ólafsvík á ennþá möguleika að halda sæti sínu  í efstu deild. Víkingar unnu stórsigur á ÍA á Akranesvelli í kvöld, 5:0, á sama tíma og Þórsarar og Keflvíkingar gerðu 2:2 jafntefli á Akureyri. Skagamenn byrjuðu þokkalega í leiknum í kvöld og virtust hafa trú á verkefninu til að byrja með. Þeir fengu betri færi á fyrstu mínútunum en gestirnir og markið virtist hreinlega liggja í loftinu þegar Garðar Gunnlaugsson fékk í tvígang góð færi. En Víkingar voru fastir fyrir og í stað þess að ÍA næði að skora skoruðu þeir í tvígang með stuttu millibili. Fyrst Antonio Mossi beint úr aukaspyrnu á 17. mínútu og síðan Thorres Tena af stuttu færi tveimur mínútum síðar. Þá virkaði Skagavörnin ansi sofandaleg. Skagamenn urðu einum leikmanni færri á 37. míntútu þegar Arnar Már Guðjónsson fékk að líta sitt annað gula spjald í leiknum og þar með rautt. Víkingar gerðu síðan nánast út um leikinn á markamínútunni þeirri 43. þegar Francisko Insa bætti við þriðja markinu og 3:0 var því staðan í hálfleik.

Skagamann komu ekki til síðari hálfleiks af nógu miklum krafti og nokkuð jafnræði var með liðunum, en gestirnir þó með undirtökin. Þeir gerðust aðgangsharðari þegar á leið og það skilaði þeim tveimur mörkum til viðbótar. Alfreð Hjaltalín fékk stungu inn fyrir Skagavörnina á 57. mínútu, lék framhjá Gísla Páli og renndi boltanum í markið. Síðasta mark Víkinga var ekki ósvipað. Það kom á 88. mínútu og var Guðmundur Magnússon þar að verki.

 

Þessi fimm mörk Víkinga í kvöld gætu reynst þung á metum á lokasprettinum þar sem markamunur gæti ráðið sætaskipan í lokin. Víkingar mæta í næstu umferð nk. sunnudag Fylki í Árbænum, á sama tíma og Akurnesingar sækja Þór heim á Akureyri. Víkingar eru sem fyrr í 11. sæti deilarinnar með 17 stig. Þór er þar fyrir ofan með 18 stig. Fylkir er í 9. sæti með 20 stig og Keflvíkingar í áttunda stætinu með 21 stig. Öll þessi lið gætu fylgt ÍA niður í 1. deildina, en Skagamenn eru aðeins með átta stig og fallnir eins og áður segir.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is