Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. september. 2013 09:37

Eldur í trésmiðju við Smiðjuvelli á Akranesi - UPPFÆRT KL. 23:00

Slökkvilið Akraness og Hvalfjarðarsveitar berst enn, nú laust fyrir klukkan 23, við eld sem kom upp um kl. 21 í húsnæði Trésmiðju Akraness við Smiðjuvelli á Akranesi. Enginn var í húsinu þegar eldurinn kom upp. Trésmiðjan er í bili í vesturenda iðngarða en í öðrum hlutum garðanna eru bílaverkstæði og vélsmiðja. Eldur í húsnæðinu magnaðist fljótt upp en þar hefur verið stunduð innréttingasmíði og því bæði timbur og leysiefni í húsnæðinu. Fremur hæg norðanátt er á brunastað og leggur miklan reyk frá brunanum. Reykjarlykt er um mestallan Skagann nú í kvöld enda hefur vindur verið að breytast á meðan brunanum hefur staðið. Slökkviliðið kallaði að auki út aðstoð Björgunarfélags Akraness sem lokaði nærliggjandi götum við brunastaðinn, en nærri honum standa tvö önnur hús. Björgunarsveitarmenn hafa jafnframt aðstoðað við að rjúfa þak á húsinu til að slökkviliðsmenn komist betur að eldinum.

UPPFÆRT kl. 22:30: Samkvæmt tíðindamanni Skesshorns á brunastað logar nú heldur minni eldur en gerði fyrir tæpri klukkustund síðan. Slökkvistarf stendur engu að síður yfir af fullum þunga og er fyrirséð að það muni standa yfir fram á nótt. Ekki hefur eldinum tekist að breiðast yfir í önnur rými iðngarðanna sem trésmiðjan er til húsa í.


Veður er enn fremur skaplegt til slökkvistarfa að sögn tíðindamanns, en vindur er að færast meira til austanáttar. Gríðarlegur mannfjöldi fylgist með slökkvistörfum úr fjarlægð, en enn er nærliggjandi svæði brunastaðarins lokað.

 

Ljóst er að gríðarlegt tjón hefur orðið og líklega er sá hluti hússins ónýtur sem Trésmiðja Akraness hefur rekið starfsemi sína í. Í trésmiðjunni hafa starfað 3-4 en fyrirtækið er þekkt fyrir vandaða innréttingasmíði.

 

 

 

Ljósmyndir á vettvangi: Magnús Magnússon og Fannar Sólbjartsson.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is