Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. september. 2013 09:01

ÍA fær Bandaríkjamann til að styrkja körfuboltaliðið

Körfuknattleiksfélag ÍA spilar í 1. deild á komandi leiktíð. Félagið hefur nú samið við Bandaríkjamanninn Roderick Wilmont um að leika með félaginu á komandi leiktíð. Roderick er þrítugu að aldri og fjölhæfur í greininni, hefur spilað ólíkar stöður á vellinum en er bakvörður að upplagi. „Kappinn mælist 193 cm á hæð og var 98 kg einhver tímann þegar hann var mældur og eru þetta alveg tölur sem við sættum okkur við,“ segir Hannibal Hauksson formaður Körfuknattleiksfélags ÍA. „Við erum virkilega spenntir fyrir þessum leikmanni og hann mun styrkja liðið.“

Ferill Roderick er langur og fjölbreyttur. Hann lék með Indiana háskólaliðinu á árunum 2003 – 2007 og var á útskriftarári sínu með 12,6 stig að meðaltali í leik, tók 5,8 fráköst og setti niður 39,5% þriggja stiga skota sinna. Þegar háskólagöngunni lauk lék hann með Fort Wayne Mad Ants og Erie Bay Hawks í NBA-D –League.  Á þessum árum var hann nálægt því að komast í NBA deildina, lék þrjá leiki með New York Knick í NBA Summer League tímabilið 2007 – 2008 og fjóra leiki með Milwaukee Bucks tímabilið á eftir í sömu deild. Roderick er ekki ókunnur því að spila í Evrópu en hann hefur spilað með Napoli J. News á Ítalíu, Aliaga í Tyrklandi og nú síðast með franska liðinu Evreux tímabilið 2011 – 2012.

 

 

„Það er því allt útlit fyrir að það verði hvalreki við strendur Skipaskaga á næstu dögum en það sem rak á fjörur okkar í fyrra var ekki alveg það sem við bjuggumst við. En við erum að vinna í að bóka flug og sjáum hvað setur í þeim efnum en eitt er víst að herra Wilmont verður mættur í ÍA treyjuna 10. október í Hveragerði,“ sagði Hannibal, en þá fer fyrsti leikur liðsins fram í fyrstu deildinni þetta tímabilið.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is