Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. september. 2013 10:56

Óska eftir sameiningarviðræðum við þrjú nágrannasveitarfélög

Á fundi bæjarstjórnar Akraness í gær var samþykkt samhljóða tillaga Gunnars Sigurðssonar og Einars Brandssonar bæjarfulltrúa Sjálfstæðisflokksins að Akraneskaupstaður hafi frumkvæði að sameiningarviðræðum við sveitarstjórnir Hvalfjarðarsveitar, Skorradalshrepps og Borgarbyggðar. Í greinargerð með tillögunni kemur fram að á aðalfundi Samtaka sveitarfélaga á Vesturlandi á dögunum hafi innanríkisráðherra greint frá því að sameining sveitarfélaga á Íslandi yrði ekki þvinguð heldur yrði það alfarið að vera í höndum sveitarfélaganna sjálfra að hafa frumkvæði að slíkum viðræðum. Talsverðar umræður urðu um tillöguna á fundinum en í bókun frá honum segir að ef jákvæður vilji verði til að skoða málið frekar munu þessi fjögur sveitarfélög gera með sér samkomulag um framhald málsins. Regínu Ásvaldsdóttur bæjarstjóra var falið að fylgja tillögunni eftir.

Í greinargerð segir einnig að mikill vilji sé til þess að aukin og flóknari verkefni færist til sveitarfélaga svo sem rekstur heilsugæslu og löggæslu. Til þess að þessi þróun haldi áfram og tryggi um leið bætta þjónustu við íbúa væri ljóst að sveitarfélögin þurfi að stækka. „Aukið samstarf eða sameining fyrrnefndra sveitarfélaga er forsenda bættrar þjónustu við íbúa þeirra og tryggir um leið samkeppnishæfni þeirra allra. Í því ljósi er tillaga þessi nú flutt,“ segir í bókuninni frá bæjarstjórnarfundinum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is