Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. september. 2013 04:01

Ný og endurbætt vindmylla komin í rekstur í Belgsholti

Eftir miklar endurbætur og bættar útfærslur í hugbúnaði er raforkan farin að streyma að nýju frá vindmyllunni í Belgsholti í Melasveit. Haraldur Magnússon bóndi hefur í nokkra mánuði unnið með sérfræðingum sínum að endursmíði vindmyllunnar og lausn á vanda í hugbúnaði sem orsakaði að stórtjón varð á vindmyllunni í stórvirði í nóvember 2011, fjórum mánuðum eftir að hún var formlega tekin í notkun. Í því óhappi brotnaðu m.a. allir þrír spaðar myllunnar sem hver um sig er á sjöunda metra að lengd. Mesti tæknilegi vandinn snérist um lagfæringu á hugbúnaðinum. Kerfisvilla í honum var talin helsta ástæða þess að í umræddu veðri snérist myllan áveðurs er varð þess valdandi að spaðarnir brotnuðu og mótorinn féll til jarðar.

Haraldur í Belgsholti vonast til að öryggi sé nú náð í raforkuframleiðslunni, en reyndar bregði svo við nú að logn dag eftir dag nýtist ekki til raforkuframleiðslu, eftir fremur vindasama tíð að undanförnu.Umrædd vindmylla var jafnframt fyrsta vindorkuver landsins sem tengt var inn á dreifikerfi Landsnets, en Fallorka á Akureyri keypti þá raforku sem Haraldur notaði ekki til búrekstrarins í Belgsholti. Myllan framleiddi 70-75% af raforkuþörf búsins en afgangs orka var seld þegar vindar voru hagstæðir. Þegar gamla myllan féll af stalli sínum eyðilagðist flest í tækjabúnaði hennar. Hugvit bóndans kemur víða við í endurbyggingunni. Sem dæmi lét Haraldur endursmíða bremsudisk fyrir spaðahjólið í myllunni og á þessum bremsudiski er bremsudæla. „Mér höfðu fróðir menn sagt að bremsudælur í Subaru bílum árgerð 1988 hafi verið þær öflugustu sem gerðar hafa verið. Ég útvegaði mér því slíka dælu og lét gera hana upp,“ segir Haraldur, en raunar má segja að meirihlutinn af búnaði í nýju myllunni sé endurhönnun og bæting frá þeirri gömlu. Sú nýja fær því nafnið Halli-Vind, enda er meirihlutinn í þessari endurgerð íslensk hönnun og framþróun á sænska hugvitinu. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is