Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. september. 2013 01:53

Gísli V Halldórsson færði MS félaginu höfðinglega gjöf

Í morgun afhenti Gísli V. Halldórsson í Borgarnesi MS-félaginu 434.646 krónur sem söfnuðust í afmælishófi í tilefni 70 ára afmælis hans sem haldið var í Hjálmakletti 19. september sl. Berglind Guðmundsdóttir formaður MS félagsins tók við hinni höfðinglegu gjöf fyrir hönd félagsins. Gísli afhenti félaginu þó ekki eingöngu peningagjöf heldur einnig forláta söfnunarbauk til eignar sem hann hafði látið hanna og smíða af tilefninu. Málefni MS-félagsins eru Gísla einkar hugleikin en tengdasonur hans, mágur og hans sonur eru allir með MS-sjúkdóminn.  Gísli V Halldórsson var ákveðinn í því að afþakka allar afmælisgjafir og við undirbúning fjölskyldunar fyrir afmælið kom upp sú hugmynd að gera einhvern grip eða söfnunarbauk sem hafa mætti frammi í afmælinu. Fékk Gísli Hlyn Ólafsson, tengdason sinn sem er í námi í byggingafræði, til að hanna og gera teikningu að veglegum söfnunarbauk. Síðan fékk Gísli Borgfirðingana Ingólf Eiríksson til að smíða gripinn eftir teikningunni, Pétur Jónsson til að sprauta hann og Björk Jóhannsdóttur til að skreyta. Öll gáfu þau vinnu sína af miklu örlæti. Óhætt er að segja að útkoma samvinnu allra þeirra sem að komu er virkilega fallegur söfnunarbaukur sem heldur betur stendur fyrir sínu.

„MS-félagið óskar Gísla V. Halldórssyni til hamingju með stórafmælið og þakkar honum, fjölskyldu hans og vinum, kærlega fyrir hug þeirra í verki til félagsins.“

 

 

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is