Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. nóvember. 2013 10:19

Vöfflur og ljósmyndasamkeppni í dag á Rökkurdögum

Menningarhátíðin Rökkurdagar hófust í Grundarfirði í gær. Fyrsti dagskrárliður hátíðarinnar var fyrirlestur um veðurfar, og var meðfylgjandi mynd tekin við það tilefni. Í dag, fimmtudaginn 7. nóvember, verður opið hús í Sögumiðstöðinni. Starfsmenn munu steikja vöfflur og bjóða upp á kaffi. Á sama tíma verða ljósmyndir úr ljósmyndasamkeppni Grundarfjarðarbæjar til sýnis í Bæringsstofu. Myndefnið í ár var fjaran og voru þátttakendur 19 með um 70 myndir. Úrval ljósmynda mun einnig hanga uppi á meðan að hátíðinni stendur en verðlaun verða veitt laugardaginn 9. nóvember. Meðan gestir gæða sér á vöfflum verða Bókaverðlaun barnanna veitt. Almennings- og skólabókasöfn landsins veita verðlaunin hvert ár fyrir tvær bækur, aðra frumsamda og hina erlenda. Á Bókasafni Grundarfjarðar verður dregið úr innsendum seðlum og bókaverðlaun veitt tveimur börnum, öðru úr 1.-3. bekk og hinu úr 4.-6. bekk.

Ostaskólinn í Grundarfirði

Um árabil hefur sérvöruverslunin Búrið í Nóatúni rekið ostaskóla við gífurlegar vinsældir. Nú ætlar ostaskólinn í fyrsta sinn að leggja land undir fót og heimsækja íbúa Grundarfjarðar. Sælkerinn Eirný Sigurðardóttir mun leiða gesti inn í heim ostanna. Hún mun einnig fræða gesti um vín og samspil þessara tveggja afurða á bragðlaukanna. Þemað er Frakkland og því eingöngu franskir ostar og vín á boðstólnum. Nemendur fá að smakka á allmörgum tegundum osta og má segja að námskeiðið jafngildi heilli máltíð. Skráning fer fram á bæjarskrifstofunni eða í netfang alda@grundarfjordur.is Skólagjaldið er 4.900 krónur.

 

Skemmtikvöld nemendafélags FSN

Nemendafélag FSN ætlar að halda eitt af skemmtikvöldum vetrarins í kvöld, fimmtudag. Það er engum blöðum um það að fletta að aðal númer kvöldsins er stjarnan Friðrik Dór. Hann mun halda tónleika og skemmta nemendum skólans. Viðburðurinn er öllum opinn og aðgangseyrir 1.500 krónur. Auk tónleikanna verður fjölbreytt dagskrá á skemmtikvöldinu.

 

Dagskrá Rökkurdaga í Grundarfirði má lesa í Skessuhorni vikunnar en einnig er hægt að sjá hana HÉR

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is