Forsíða
Auglýsing
Rss straumur af fréttum frá Skessuhorni
Náttmál. Þriðji Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. nóvember. 2013 12:50

Lækkun fiskverðs kemur fram í minni útsvarstekjum

Sjávarútvegurinn er hryggjarstykkið í efnahag íbúa Snæfellsbæjar. Það hefur greinilega komið fram í útsvarstekjum bæjarfélagsins á þessu ári. Útsvarstekjur Snæfellsbæjar fyrstu átta mánuði þessa árs drógust saman um rúmlega 4% miðað við sama tímabil í fyrra. Lækkandi fiskverð vegna efnahagsþrenginga á erlendum mörkuðum samfara stórauknu framboði á þorski úr Barentshafi hefur höggvið skörð í tekjur sveitarfélagsins. „Ég fer oft á bryggjurnar og hitti karlana. Þeir spyrja mig oft góðlátlega hvað ég sem bæjarstjóri sé að flækjast þar. Ég svara þeim þá þannig að ég sé bara að koma til að sjá hverju ég megi eiga von á í kassann, það er bæjarsjóðinn,“ segir Kristinn Jónasson bæjarstjóri í samtali við Skessuhorn. Hann segir að sveiflur í fiskverði komi mjög hratt fram í reikningum bæjarins. Bæði fylgja þær árstíðabundnu mynstri en svo geta upphæðirnar sveiflast mikið milli ára. Þetta sé skýringin á því að útsvarstekjur Snæfellsbæjar hafi lækkað í ár.

Kristinn leggur fram töflu yfir útsvarsgreiðslur ársins til að sýna fram á þetta. „Hérna eru 47 milljónir í janúar, 57 í febrúar, 91 milljón í mars. Þarna má sjá hvernig tekjurnar vegna fiskveiðanna koma inn á vertíðinni. Svo fellur þetta strax í 71 milljón í júní en þá eru stærri bátarnir hættir að róa. Yfir hásumarið er þetta í um 50 milljónum á mánuði. Lélegastur er oftast september en svo fer þetta aftur að glæðast fram að áramótum. Svona er mynstrið öll árin hjá okkur,“ segir Kristinn.

 

Sjá nánar í Skessuhorni vikunnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is