Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. nóvember. 2013 09:54

Töluverður samdráttur í verðmæti fiskafla

Töluvert dregur úr aflaverðmæti íslenskra skipa á fyrstu átta mánuðum ársins í samanburði við sömu mánuði 2012, samkvæmt samantekt Hagstofunnar. Nú nemur það 101,4 milljörðum króna samanborið við 108,4 milljarða á sama tímabili í fyrra. Aflaverðmæti hefur því dregist saman um rúmlega sjö milljarða króna eða 6,5% á milli ára.  Aflaverðmæti botnfisks var rúmlega 57,7 milljarðar króna og dróst saman um 9,5% miðað við sama tímabil í fyrra. Verðmæti þorskafla var um 29,7 milljarðar og dróst saman um 8,6% frá fyrra ári. Aflaverðmæti ýsu nam 7,3 milljörðum og dróst saman um 13,6% en verðmæti karfaaflans nam tæpum 8,4 milljörðum, sem er 8% samdráttur frá fyrstu átta mánuðum ársins 2012. Verðmæti úthafskarfa nam 2,1 milljarði króna á fyrstu átta mánuðum ársins og jókst um 8,4% miðað við sama tímabil í fyrra. Verðmæti ufsaaflans dróst saman um 9,1% milli ára og nam rúmum 5,5 milljörðum króna í janúar til ágúst 2013.

 

 

Verðmæti uppsjávarafla nam tæpum 33,1 milljörðum króna í janúar til ágúst 2013, sem er um 1,9% aukning frá fyrra ári. Þá aukningu má rekja til loðnuafla og kolmunnaafla. Aflaverðmæti loðnu nam 15,6 milljörðum króna á fyrstu átta mánuðum ársins sem er 19,2% aukning miðað við sama tímabil í fyrra. Aflaverðmæti kolmunna jókst um 9,9% frá fyrra ári og var rúmlega 2,8 milljarðar króna í janúar til ágúst 2013. Aflaverðmæti síldar dróst saman um 37,6% milli ára og var tæplega 1,6 milljarðar króna í janúar til ágúst 2013. Aflaverðmæti makríls var um 12,3 milljarðar króna á fyrstu átta mánuðum ársins sem er 3,6% samdráttur miðað við sama tímabil í fyrra. Aflaverðmæti flatfisksafla nam rúmum 6,3 milljörðum króna, sem er 17% samdráttur frá janúar til ágúst 2012.

 

Verðmæti afla sem seldur er í beinni sölu útgerða til vinnslu innanlands nam 50 milljörðum króna og dróst saman um 3,7% miðað við fyrstu átta mánuði ársins 2012. Verðmæti afla sem keyptur er á markaði til vinnslu innanlands dróst saman um 5,8% milli ára og nam rúmlega 14,1 milljarði króna. Aflaverðmæti sjófrystingar nam rúmum 33,3 milljörðum í janúar til ágúst og dróst saman um 9,4% milli ára en verðmæti afla sem fluttur er út óunninn nam tæpum 3 milljörðum króna, sem er 22% samdráttur frá árinu 2012.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is