Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. nóvember. 2013 02:23

Íbúaþing í Grundarfirði á laugardaginn

Grundfirðingar hafa blásið til íbúaþings nk. laugardag 23. nóvember í húsi Fjölbrautaskóla Snæfellinga. Dagskrá þingsins samanstendur af fjölbreyttum erindum þar sem heimamenn og gestir koma við sögu. Að þeim loknum verða umræður í litlum hópum og geta allir viðstaddir stungið upp á umræðuefni. Dagskráin hefst með morgunverði kl. 10,30 og íbúaþingið hefst svo hálftíma síðar. Dagskránni er skipt í þrjá meginkafla sem eru: hvert viljum við stefna, samfélag í sókn og atvinnumál og sóknarfæri.

Í fyrsta liðnum fjallar Björg Ágústsdóttir verkefnisstjóri hjá Alta um svæðisgarð Snæfellinga, sókn byggð á sérstöðu. Snæfríður - unga fólkið og Snæfellsnes er erindi sem Silja Rán Arnardóttir í stjórn Snæfríðar flytur og Gunnar Kristjánsson verkefnisstjóri fjallar um skólastefna Grundarfjarðar. Undir liðnum samfélag í sókn veltir Jón Eggert Bragason skólameistari Fjölbrautaskóla Snæfellinga fyrir sér hvor hægt sé að mennta frumkvöðla. Elsa Árnadóttir formaður Félags eldri borgara greinir frá sinni sýn á Grundarfjörð og það sama gera fulltrúar frá félagsmiðstöðinni Eden. Að loknum hádegisverði fjallar Arnljóstur Bjarki Bergsson sviðsstjóri hjá Matís um sóknarfæri í sjávarútvegi. Ásbjörn Björgvinsson formaður Ferðamálasamtaka Íslands flytur erindi um samfélagsleg áhrif ferðaþjónustu, dæmisögur og tækifæri er undirskrift þess erindis.

 

Að erindum loknum verða umræður með afslöppuðu og þægilegu fyrirkomulagi, segir í tilkynningu vegna íbúaþingsins. Hver sem vill getur stungið upp á umræðuefni og þátttakendur velja sér síðan hópa. Þegar hópar hafa skilað niðurstöðum verður þinginu slitið um klukkan 15. Þinginu stýra Sigurborg Kr. Hannesdóttir forseti bæjarstjórnar og Ragnar Smári Guðmundsson. Þau sitja í stýrihópi vegna þingsins ásamt Þorbjörgu Gunnarsdóttur og með þeim hefur starfað Alda Hlín Karlsdóttir menningar- og markaðsfulltrúi. Þess má geta að m.a. er boðið upp á barnapössun í leikskólanum meðan á íbúaþinginu stendur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is