Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. nóvember. 2013 10:49

Íbúar hvattir til að mæta á fund um framtíð háskóla í Borgarfirði

Eins og fram hefur komið hefur sveitarstjórn Borgarbyggðar boðað til íbúafundar um málefni Háskólans á Bifröst og Landbúnaðarháskóla Íslands. Verður fundurinn í Hjálmakletti í Borgarnesi, annað kvöld fimmtudag, klukkan 20:00. Hugmyndir eru um sameiningar og fækkun háskóla hér á landi og eru fjölmargir íbúar í Borgarfirði uggandi um framtíð háskólastarfs í héraðinu. Páll S Brynjarsson sveitarstjóri í Borgarbyggð segir að ástæða boðunar þessa fundar sé sú að heimafólk óttast framtíð háskólstarfsins í ljósi niðurskurðar til reksturs skólanna á Hvanneyri og Bifröst. "Það er ljóst að í fjárlögum næsta árs er verulegur niðurskurður til skólanna. Þá eru í gangi viðræður um sameiningu Landbúnaðarháskóla Íslands og Háskóla Íslands. Óttumst við að ef af slíkri sameiningu yrði myndi það draga verulega úr starfseminni á Hvanneyri. Það eru því fjölmörg störf í húfi sem tengjast beint og óbeint starfi LbhÍ," segir Páll. Hann segir að hluti vandans sé viðvarandi hallarekstur LbhÍ allt frá stofnun hans 2005. "Það er að sjálfsögðu mikilvægt að greiða úr viðvarandi taprekstri, en við sjáum ekki í hendi okkar að það gerist neitt frekar þótt skólinn verði sameinaður Háskóla Íslands." 

Páll segir að heimamönnum hafi þótt nauðsynlegt að boða til þessa fundar til að upplýsa íbúa um stöðu mála. Væntanlega mun fundurinn semja og samþykkja ályktun um málið til að leggja aukinn þrýsting á menntamálaráðherra og þingmenn að standa vörð um starfsemi LbhÍ og Háskólans á Bifröst. "Þarna verður upplýst hvað er í gangi í skólamálum. Það er stór hópur íbúa sem hefur beinan og óbein hag af því að hlúð verði að starfsemi háskólanna í héraðinu og þar viljum við ekki gefa fjárveitingavaldinu neinn afslátt. Þetta er því barátta um að halda því sem til er og efla það frekar," segir  Páll S Brynjarsson sem skorar á íbúa að fjölmenna á fundinn í Hjálmakletti annað kvöld.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is