Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. nóvember. 2013 06:01

Útgerð fær nú fimmtung samkvæmt nýrri reglugerð um lúðuveiðar

Allar beinar veiðar á lúðu hafa verið óheimilar í tæp tvö ár en óhjákvæmilega veiðist alltaf eitthvað af lúðu sem meðafli. Með nýrri reglugerð fær útgerð skips nú 20% af andvirði selds lúðuafla. Hingað til hefur verið kveðið á um að allt söluandvirði þeirrar lúðu sem kemur að landi skuli renna til rannsókna samkvæmt ákvæðum laga. Í tilkynningu frá ráðuneyti sjávarútvegs- og landbúnaðar segir að nýju reglunum sé ætlað að hvetja sjómenn og útgerðir að koma að landi með þá lúðu sem veiðist sem meðafli. Sé lúðan hins vegar lífvænleg skal umsvifalaust sleppa henni, ýmist með því að skera á taum línunnar við línuveiðar eða losa af krókum við handfæra- og sjóstangveiðar. Þá skal við botnvörpuveiðar vera rist þar sem fiski er hleypt í móttöku en þannig má koma í veg fyrir að stórlúða berist í móttöku skips.

 

 

 

Rannsóknir sýna að lífslíkur lúðu sem sleppt er séu allgóðar og betri eftir því sem fiskurinn er stærri. Allur lúðuafli sem berst á land skal seldur á viðurkenndum uppboðsmarkaði fyrir sjávarafurðir. Að undanskildum þeim 20% sem renna til útgerðar og áhafnar skulu forráðamenn viðkomandi uppboðsmarkaðar standa skil á andvirði hins selda afla að frádregnum hafnargjöldum og kostnaði við uppboðið og rennur sú fjárhæð til rannsókna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is