Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. nóvember. 2013 02:05

Sneypuför hjá Skallagrímsmönnum

Taphrina Skallagrímsmanna í Dominos deild karla í körfubolta hélt áfram í gær þegar liðið beið lægri hlut gegn Þór frá Þorlákshöfn 110:91 á heimavelli Þórs. Borgnesingar sáu vart til sólar í leiknum sem Þórsarar stýrðu með umtalsverðum yfirburðum. Fyrsti leikhluti var þó fremur jafn en staðan að honum loknum var 28:22 fyrir heimamenn. Allt öðru máli gegndi um annan leikhluta þar sem Þórsarar gjörsamlega kjöldrógu Borgnesinga. Gestirnir skoruðu einungis 11 stig í leikhlutanum á móti 36 stigum heimamanna. Staðan í hálfleik var því 64:33 fyrir Þór. Heimamenn héldu uppteknum hætti í þriðja leikhluta, bættu við forskot sitt og var staðan 91:56 þeim í vil eftir leikhlutann. Borgnesingar náðu hins vegar að rétta sinn hlut í lokaleikhlutanum, skoruðu 37 stig á móti 19 stigum heimamanna sem dugði hins vegar ekki til þar sem munurinn á liðunum var orðinn alltof mikill. Lokastaðan því 110:91.

 

 

 

Atkvæðamestur í liði heimamanna í gær var Páll Axel Vilbergsson sem skoraði 35 stig og hirti 8 fráköst. Grétar Ingi Erlendsson kom næstur með 19 stig og þá skoraði Oscar Bellfield nýjasti leikmaður liðsins 18 stig en hann gaf einnig 9 stoðsendingar. Einnig skoruðu Egill Egilsson 7, Davíð Guðmundsson 5, Davíð Ásgeirsson 4, Trausti Eiríksson 2 og Orri Jónsson 1.

 

Borgnesingar vilja vafalaust gleyma þessari sneypuför til Þorlákshafnar sem allra fyrst. Liðið mun þó þurfa að mæta Þórsurum aftur á sunnudaginn kemur þegar liðin mætast í 16-liða úrslitum Powerade bikarsins í Borgarnesi. Í Dominos deildinni sitja Skallagrímsmenn áfram í 10. sæti með einungis 2 stig og er jafnt KFÍ og Val sem eru í 11. og 12. sæti. Næsti leikur liðsins er gegn Val á fimmtudaginn í Reykjavík og verður um afar mikilvægan leik að ræða fyrir bæði liðin sem eru orðið langeyg eftir sigri.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is