Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. nóvember. 2013 12:45

Hrannarbúðinni í Grundarfirði lokað í kvöld

Hrannarbúðinni í Grundarfirði verður lokað í kvöld eftir þrjátíu ára rekstur. Í versluninni hefur verið fjölbreytt úrval vara. Þar hafa verið seld leikföng, bækur, prjónavörur, rafskutlur og í raun allt á milli himins og jarðar, ef svo má að orði komast. Það er því mikill missir af versluninni í samfélaginu í Grundarfirði. „Ástæðan fyrir því að við ætlum að loka er að við erum búin að vera svo lengi í þessu. Konan er búin að vera í þrjátíu ár og ég síðustu sextán árin, frá því að ég hætti sem skólastjóri. Það er kominn góður tími í þetta góða starf en viðveran hefur verið mikil og sjaldan frí,“ segir Gunnar Kristjánsson, sem á og rekur Hrannarbúðina ásamt eiginkonu sinni Jóhönnu Halldórsdóttur.

 

 

 

Óráðið er hvað tekur við hjá þeim hjónum eftir lokun verslunarinnar. „Það er ekki í hendi eða ákveðið en ég kvíði ekki verkefnaskorti. Það er ekki tímabært að segja frá hvað er framundan,“ segir Gunnar en enginn mun taka við rekstri verslunarinnar að svo stöddu. „Það er mjög slæmt að missa svona verslun úr samfélaginu en fólk skilur alveg okkar aðstöðu. Kannski tekur einhver við sér þegar búið verður að skella í lás og er tilbúinn að taka upp þráðinn þar sem við hættum.“

 

Rýmingarsala hefur verið í Hrannarbúðinni frá því að hjónin ákváðu að hætta rekstri verslunarinnar. Hægt hefur verið að kaupa vörur með góðum afslætti og er lokahnykkurinn í kvöld frá kl. 20 – 22. Eftir það verður skellt í lás og versluninni lokað.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is