Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. nóvember. 2013 11:21

Útvarp Akranes fer í loftið klukkan 13:00

Útvarp Akranes hefur útsendingar klukkan 13:00 í dag. Þær standa yfir alla helgina og heyrast á Akranesi á FM 95,0. Einnig er hægt að hlusta á netinu með því að fara á slóðina http://utvarp.sundfelag.com/hlusta. Hljóðstofan er í gamla Landsbankahúsinu við Akratorg.

 

„Margir segja að þegar útvarpið byrjar hjá okkur sé kominn tími til að hefja jólaundirbúninginn. Þá séu jólin hinum megin við hornið. Það er alltaf jafngott að leita til fyrirtækjanna á Akranesi um stuðning. Við erum líka stolt af því að hafa sent út árlega alveg frá 1988. Þetta er því í 26. skiptið sem Útvarp Akraness fer í lofið,“ segir Hjördís Hjartardóttir sem er útvarpsstjóri Útvarps Akraness sem sendir út sitt árlega jólaaðventuútvarp um næstu helgi. Útsendingar hefjast föstudaginn 29. nóvember. Sem fyrr er það Sundfélag Akraness sem stendur að útvarpinu og er það ein aðalfjáröflun félagsins. Í upphafi var útvarpið sett á laggirnar í samstarfi SA og Skagablaðsins sem Sigurður Sverrisson rak. Þá var safnað fyrir tímatökutæki til notkunar á sundmótum sem sundfélagið stendur fyrir.

Hjördís segir að það séu heldur engin vandræði með fólk í dagskrárgerðina. „Við fáum til okkar margt af betra dagskrárgerðarfólki landsins og fólk sem hefur staðið fyrir vinsælum þáttum hjá okkur í mörg ár. Það eru Óli Palli, Sigrún Ósk, Gísli Einarsson, Haraldur Bjarnason, Magnús Þór Hafsteinsson, Hjörtur Hjartarson og fleiri. Þá verður þátturinn Rokkþing sem notið hefur mikilla vinsælda hjá þeim Jóni Allans og Tomma Rúnari. Eva Laufey Kjaran verður með matreiðsluþátt, Sturlaugur Sturlaugsson sér um þátt úr atvinnulífinu og ýmislegt fleira verður á dagskrá. Krakkarnir í 5. bekkjum grunnskólanna í bænum verða með þætti og dagskráin hjá okkur verður mikið til léttmeti, tónlist og spjall. Svo eru það náttúrlega auglýsingatímarnir en þaðan kemur fjáröflunin, tekjur af auglýsingasölu sem koma frá fyrirtækjunum í bænum,“ segir Hjördís útvarpsstjóri.

 

Smellið hér til að sjá dagskrána.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is