Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. desember. 2013 11:02

Rætt um framtíð við Faxaflóa og hvernig megi skapa þúsund ný störf

Síðastliðinn laugardag var haldinn opinn stefnumótunarfundur um atvinnumál á Akranesi. Bar fundurinn yfirskriftina: Framtíð við Faxaflóa – sköpum 1000 ný störf. Fundurinn var haldinn með íbúum og forsvarsmönnum fyrirtækja ásamt öllum þeim sem vildu hafa áhrif á hvert skuli stefna á næstu árum í atvinnumálum. Yfir hundrað manns mættu á fundinn og sýndu íbúar á Akranesi að þeir hafa mikinn áhuga á atvinnumálum í sínum heimabæ. Haldnir voru örfyrirlestrar þar sem frumkvöðlar á ýmsum sviðum í atvinnulífinu stigu á stokk og sögðu frá sínum fyrirtækjum, hugmyndum og áherslum. Guðfinna Bjarnadóttir, ráðgjafi og fyrrum rektor við Háskólann í Reykjavík stýrði fundinum sem var fyrsti opni íbúafundurinn í röð nokkurra sem munu bera yfirskriftina Framtíð við Faxaflóa.

Ásbjörn Björgvinsson ráðgjafi og rekstrarstjóri hjá Special Tours í Reykjavík og formaður Ferðamálasamtaka Íslands kynnti sína reynslu af ferðamálum og fór yfir þá möguleika sem Akranes kann að eiga í sjávartengdri ferðaþjónustu. Í framhaldi af því voru pallborðsumræður þar sem nokkrir úr ólíkum áttum ræddu helstu tækifæri Akraness í atvinnuuppbyggingu. Spurningalistum var dreift til þátttakenda og þeir beðnir að fylla út og svara ýmsum spurningum sem tengjast atvinnumálum á svæðinu. Akraneskaupstaður bauð þátttakendum upp á súpu og brauð í hádeginu. Eftir hádegishlé var skipt í hópa og farið yfir málin með spurningalistana til hliðsjónar.

 

Sagt verður nánar frá fundinum í næsta tölublaði Skessuhorns.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is