Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. desember. 2013 01:39

Óljós fjárhagslegur ávinningur af sameiningu LbhÍ og HÍ

Samkvæmt úttekt nefndar um fýsileika sameiningu Háskóla Íslands og Landbúnaðarháskóla Íslands frá 2009 er sameining skólanna undir merkjum nýs fræðasviðs HÍ talin æskileg. Þó er óljóst hvort sú sameining sú sem til skoðunar var hefði fjárhagslegan ávinning í för með sér fyrir ríkissjóð. Úttektin var unnin að frumkvæði Katrínar Jakobsdóttur þáverandi menntamálaráðherra í febrúar 2009 og hafa niðurstöður hennar ekki verið kynntar opinberlega áður. Fulltrúar LbhÍ, þar á meðal Ágúst Sigurðsson rektor, fulltrúar HÍ og menntamálaráðuneytis sátu í nefndinni. Nefndin leggur í fýsileikakönnuninni til að með sameiningu verði skoðað að leggja grunn að nýju og öflugu fræðasviði líf-/auðlinda- og umhverfisvísinda innan HÍ með uppstokkun og endurskipulagningu þess náms sem fyrir er í báðum skólunum, auk Tilraunastöðvar HÍ á Keldum.

 

 

Uppsöfnuðum halla haldið utan við sameiningu

Ekki kemur skýrt fram í úttektinni hvaða fjárhagslegur ávinningur næðist með sameiningu. Fram kemur að árlegur sparnaður af völdum sameiningarinnar yrði 25-30 milljónir króna „án róttækra breytinga á starfsemi skólanna,“ en á öðrum stað segir að viðbótarkostnaður vegna sameinaðs háskóla geti numið 60-70 milljónum króna. Í sambandi við þá tölu var engin tilraun gerð til að meta mögulegan útgjaldauka vegna húsnæðismála. Þá er beinn kostnaður vegna undirbúnings og framkvæmdar sameiningar talinn vera á bilinu 40-50 m.kr. Gert er ráð fyrir að innbyggður halli á rekstri LbhÍ færist ekki til sameinaðs háskóla og að beinn kostnaður vegna sameiningar verði greiddur af sérstöku ríkisframlagi.

 

Starfseminni skipt milli Reykjavíkur og Hvanneyrar

Í úttektinni kemur fram að ef vel tækist til fælist í sameiningu Lbhí og HÍ faglegur ávinningur og dýrmætt tækifæri til að móta sterka heild sem byggist á sérstöðu og sérhæfingu hvors skóla um sig. Sameiningin myndi gefa tækifæri til fjölbreyttara og sveigjanlegra námsframboðs í grunn- og framhaldsnámi og samlegðaráhrif kæmu fram í rannsóknum. Nefndin telur álitlegt að skrifstofa nýs fræðasviðs verði á Hvanneyri en stjórnsýsla þess yrði þó að taka mið af fleiri starfsstöðvum. Að öðru leyti vildi nefndin skipta starfseminni milli Hvanneyrar og Reykjavíkur „eftir því sem eðlilegt er,“ eins og segir orðrétt í skýrslunni. Eftirtalin verkefni yrðu áfram unnin innan nýs fræðasviðs í samvinnu við stjórnsýslu háskólans: Fjármálastjórn, umsjón með málefnum kennslu og nemenda, starfsmannamál og almenn þjónusta við starfsmenn og nemendur. Auk þess gerir nefndin ráð fyrir því að markaðs- og kynningarmál ásamt alþjóðamálum yrði rekin á sviðinu að hluta.

 

Vísindamenn og hópar gætu orðið andsnúnir

Þess utan telur nefndin að nýtt svið sameinaðra skóla myndi efla sýnileika HÍ í dreifbýli landsins og gæti margfaldað afl skólans til þverfaglegra rannsókna innan sviðsins og þvert á önnur fræðasvið. Helstu galla telur nefndin hins vegar að mikil röskun yrði á starfsemi stofnananna ásamt því að einstakir vísindamenn og hópar gætu orðið andsnúnir breytingunum sem bregðast þyrfti með vönduðum undirbúningi. Einnig myndi stofnun nýs fræðasviðs hrófla við einni meginforsendu nýs skipulags HÍ sem tók gildi 2008 sem var að fræðasvið skólans yrðu ekki fleiri en fimm.

 

Sjá skýrsluna um fýsileika sameinginar LhhÍ og HÍ hér.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is