Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. desember. 2013 04:43

Valdís Þóra skrefi nær Evrópumótaröðinni eftir mót helgarinnar

Skagakonan Valdís Þóra Jónsdóttir  í Leyni á Akranesi er nú einu skrefi nær því að komast inn á Evrópumótaröð kvenna í golfi. Hún komst í dag í gegnum fyrsta stig úrtökumótsins sem fram fer í Marokkó. Kylfingur.is greinir frá því að Valdís Þóra hafnaði í 18. sæti af alls 53 kylfingum en 23 efstu konurnar komust áfram. Valdís lék á 77 höggum í dag eða 5 höggum yfir pari og samtals var hún á +20 (78-81-76-77). Loka úrtökumótið hefst í næstu viku í Marokkó. Þar verða leiknar 72 holur eða fjórir hringir og 60 efstu leika síðan einn hring til viðbótar þar sem að 30 efstu tryggja sér keppnisrétt á Evrópumótaröðinni.

 

 

Í samtali við Kylfing segir Valdís Þóra: „Ég var með of mörg þrípútt. Það voru ekki mikil vandræði úti á vellinum og ég sló boltann vel. Innáhöggin hefðu mátt vera betri, ég var ekki að setja boltann nógu nálægt. Það er gott að þessi áfangi er búinn en við áttum von á að +23 yfir pari myndi duga til að komast áfram,“ sagði hún við kylfing.is en Tinna Jóhannsdóttir var henni til aðstoðar á þessu móti. „Tinna er á heimleið og Arnar bróðir minn er á leiðinni út og tekur við.“

 

Athygli vakti að skorið á vellinum var frekar hátt og segir Valdís að völlurinn hafi verið mjög krefjandi. „Við vorum að leika af 6.100 metra teigum, völlurinn var mjúkur og boltinn rúllaði ekkert. Hann var líka þröngur og það mátti ekki gera nein mistök í upphafshöggunum – og flatirnar eru flestar litlar og upphækkaðar. Annað höggið var því alltaf mjög langt.“

 

Lokaúrtökumótið fer fram í Marrakech sem er um fjögurra tíma ferðalag fyrir Valdísi. Þar verður leikið á tveimur mismunandi völlum. „Ég mun leika æfingahringi á þeim báðum og setja upp leikplan. Ég tel að ég eigi ágæta möguleika á að komast áfram. Ég var ekki í neinum vandræðum á erfiðum velli – þarf að laga púttin og vippin og þá verð ég í fín,“ bætti Valdís við.

 

Valdís Þóra, sem keppir fyrir Leyni á Akranesi, er fjórða konan sem reynir sig við Evrópumótaröðina í golfi. Ólöf María Jónsdóttir úr GK er sú eina sem hefur náð alla leið – en Tinna Jóhannsdóttir úr GK og Ragnhildur Sigurðardóttir úr GR hafa einnig tekið þátt í úrtökumótinu en uppskáru ekki árangur þeirra tilrauna.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is