Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. desember. 2013 09:15

Síldveiðar ganga hörmulega

Heildarafli smábáta sem leyfi hafa til síldveiða í lagnet á Breiðafirði er orðinn 619 tonn. Það er vart nema rétt rúmlega hálfur farmur hjá stóru síldveiðiskipi af algengustu stærðinni. Alls hafa útgerðir 44 smábáta fengið úthlutað 834 tonnum af síld. Aðeins 13 bátar hafa farið til veiða innan við brúna yfir Kolgrafafjörð. Bátar yfir ákveðinni stærð geta ekki siglt þar undir auk þess sem margir gjalda varhug við að fara undir brúna þar sem vænta má mikilla og óvæntra straumkasta. Í frostum og stillum undanfarið hefur ís byrjað að myndast inni á Kolgrafafirði. Verði slík skilyrði viðvarandi þá gæti fjörðinn lagt á skammri stundu. Það kæmi í veg fyrir frekari veiðar þar.  Leyfilegt er að veiða 1.300 tonn af síld innan við brúna. Aðeins hefur tekist að veiða 75 tonn þar.

Verð á síld til smábátasjómanna hefur einnig lækkað. Lengst framan af vertíðínni í ár hafa sjómenn fengið 80 kr á hvert kíló af síld. Nú hefur verðið lækkað niður í 70 krónur.  Fram kemur á vef Landssambands smábátasjómanna að menn telji alveg á mörkunum að veiðarnar standi undir sér.  Þeir segja því nauðsynlegt að aflétta öllum hömlum á því hvar megi stunda veiðarnar þannig að kostnaður verði sem minnstur.

 

Áhafnir og útgerðir stóru síldveiðiskipanna hafa að einhverju leyti gefist upp á veiðum í Breiðafirði. Ekkert bendir til að hvorki sprengingar né hvalahljóð hafi dugað til að fæla síldina út úr Kolgrafafirði. Ekki hefur enn orðið vart við að meiri síld gangi utan af Breiðafirði og að ströndinni. Áhafnir skipanna hafa heldur ekki varar við að síld kæmi aftur út um sundið sem brúin liggur yfir og út á Urthvalafjörð sem er utan Kolgrafafjarðar. Nú virðast þrjú stór síldveiðiskip vera við leit við norðanvert Snæfellsnes. Álíka fjöldi skipa er í Breiðamerkurdýpi suðaustur af landinu.

 
Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is