Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. desember. 2013 10:59

Karlalið Snæfells tapaði á Ísafirði

Hólmarar töpuðu dýrmætum stigum á föstudaginn í Dominos deild karla í körfubolta þegar liðið mætti botnliði KFÍ á Ísafirði. Lokatölur urðu 80:89 fyrir KFÍ. Ísfirðingar voru með yfirhöndina meira og minna í leiknum en þó skiptust liðin á um að hafa forystu í seinni hálfleik. Heimamenn voru betri aðilinn í fyrri hálfleik, höfðu yfir 21:13 eftir fyrsta leikhluta og 43:39 í hálfleik. Snæfell sótti í sig veðrið í síðari hálfleik og komst einu stigi yfir þegar þriðja leikhluta lauk 70:69. Spennustigið var í hámarki í lokaleikhlutanum og skiptust liðin áfram á forskotinu í byrjun hans. Slæm skotnýting Hólmara varð þeim hins vegar fjötur um fót þegar leið á leikinn og sigu Ísfirðingar hægt og bítandi fram úr með góðum sóknarleik. Skoraði KFÍ 22 stig á móti 10 stigum Snæfells í leikhlutanum og því varð sigurinn heimamanna í leikslok.

 

 

Vance Cooksey var stigahæstur í liði Snæfells í leiknum með 21 stig en á eftir honum kom Pálmi Freyr Sigurgeirsson með 17, Stefán Karel Torfason var með 14, Sigurður Þorvaldsson 13, Sveinn A. Davíðsson 6, Finnur A. Magnússon 5, Kristján Andrésson 2 og Jón Ólafur Jónsson 2. Jón Ólafur kom einungis við sögu í fyrri hálfleik þar sem hann varð að hætta leik vegna meiðsla. Að auki var Hafþór Ingi Gunnarsson ekki með í liði Snæfells í leiknum vegna meiðsla.

 

Þrátt fyrir tapið er Snæfell áfram í 8. sæti Dominos deildarinnar og er liðið með átta stig. Næsti leikur liðsins í deildinni er gegn Njarðvík á heimavelli í Stykkishólmi á fimmtudaginn. Síðasti leikur liðsins í deildinni fyrir jól er síðan gegn Keflavík á útivelli á sunnudaginn.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is