Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. desember. 2013 09:01

Þriðja hagleikssmiðjan opnar í Leir 7 í Stykkishólmi

Þriðja hagleikssmiðjan á Íslandi er að opna í Stykkishólmi og er það leirverkstæðið Leir 7 sem stendur að henni.  Áður hafa hagleikssmiðjur, öðru nafni Économusée, verið opnaðar í Arfleifð á Djúpavogi, sem framleiðir töskur og fylgihluti úr leðri og roði, og í Gestastofu Sútarans á Sauðárkróki, sem er sútunarverksmiðja.  Leir 7 sérhæfir sig í framleiðslu á nytjahlutum og listmunum úr íslenskum leir og er Sigríður Erla Guðmundsdóttir, leirkerasmiður eigandi fyrirtækisins.

Économusée er að kanadískri fyrirmynd og kemur hingað til lands að tilstuðlan samstarfsverkefnis í Norður-Evrópu sem stutt er af Norðurslóðaáætlun Evrópusambandsins. Að samstarfsverkefninu standa sjö þjóðir, sem allar eru að innleiða hugmyndafræðina. Nýsköpunarmiðstöð Íslands er þátttakandi í verkefninu fyrir hönd Íslendinga og hefur umsjón með innleiðingu hagleikssmiðja á Íslandi. Samstarfsþjóðir Nýsköpunarmiðstöðvar í verkefninu eru: Svíþjóð, Noregur, Írland, Norður-Írland, Færeyjar og Grænland.

Lifandi saga, kröfur og gæðastimpill

Hagleikssmiðjum er ætlað að uppfylla skilyrði um að vera skemmtilegar og lifandi auk þess að hafa á sér ákveðinn gæðastimpil. Gestir fræðast um handverk, sem fólk hefur stundað frá örófi alda svo sem um leirvinnslu, sútun, saltfisk- og leðurvinnslu og stundum skapast tækifæri til vöruþróunar. Þar má jafnframt kynna sér sögu handverks, hitta handverksfólkið og sjá hvernig þau eru að aðlaga hefðbundna þekkingu og vinnsluaðferðir að nútíma þörfum. Í öllum hagleikssmiðjum er gestamóttaka, lifandi vinnustofa, hefðbundið handverk, nútíma handverk, svæði til að afla sér upplýsinga um söguna og verslun þar sem hægt er að kaupa hluta af lifandi sögu til að hafa með sér heim. Til að fá inngöngu í Économusée-netverkið þarf að uppfylla strangar kröfur. Handgerðu vörurnar eiga að uppfylla kröfur um að vera í hæsta gæðaflokki, sögurnar skulu vera heillandi og fólkið brosmilt og gestrisið.

 

Allir eru velkomnir á opnunarhátíð á laugardaginn 14. desember, kl. 13.30. Í kjölfarið verður svo haldinn jólamarkaður til kl. 16.00 þann sama dag. Allir eru velkomnir á opnunarhátíðina, sem fram fer í Leir 7, Aðalgötu 20, Stykkishólmi. 

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is