Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. desember. 2013 11:41

Skaginn selur vinnslubúnað á Höfn

Skaginn hf. á Akranesi undirritaði í gær samning við útgerðarfyrirtækið Skinney-Þinganes hf. á Höfn í Hornafirði um sölu á nýjum vinnslubúnaði fyrir uppsjávar- og bolfisk. Um stórt verkefni er að ræða og er samningurinn, í fréttatilkynningu frá Skaganum, sagður stærsti einstaki samningur sem gerður hefur verið við íslenskt sjávarútvegsfyrirtæki um sölu á hátæknibúnaði til fiskvinnslu. Söluverð búnaðarins er þó ekki gefið upp í tilkynningunni. Sambærilegt verkefni var unnið undir forystu Skagans hf. fyrir færeyska fyrirtækið Varðin Pelagic árið 2012. Stefnt er að því að búnaðurinn fyrir Skinney Þinganes verði tilbúinn til vinnslu 1. júní 2014 eða áður en næsta makríl- og síldvertíð hefst. Ingólfur Árnason framkvæmdastjóri Skagans hf. segir að fyrirtæki hans hafi þekkingu og reyndan mannskap til þess að ljúka verkinu á tilsettum tíma, þ.e. tæplega hálfu ári. Líkt og samningurinn sem gerður var fyrir tæpum tveimur árum við færeyska fyrirtækið mun verkefni þetta verða unnið af starfsmönnum Skagans og Þorgeirs & Ellert hf. í samvinnu við kælismiðjuna Frost og ýmis fleiri fyrirtæki, m.a. á Akranesi. Verkefnið mun næsta hálfa árið skapa allt að hundrað störf hjá fyrirtækjunum á Akranesi.

 

 

 

Fyrir Skinney Þinganes þýða kaupin á þessum búnaði að fyrirtækið verður samkeppnishæfara, segir Aðalsteinn Ingólfsson, framkvæmdastjóri þess. Hann segir að undanfarin ár hafi Skinney Þinganes endurnýjað flotann og með nýjum vinnslubúnaði frá Skaganum hf. verði gæði afurðanna meiri. Þá muni framleiðni fyrirtækisins aukast verulega við þessa uppbyggingu og reikna megi með að afköst í frystingu uppsjávarafla aukist upp í um 600 tonn á sólarhring. Samhliða þessari fjárfestingu verður húsnæði endurbætt sem og vinnslubúnaður fyrir bolfisksvinnslu. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is