Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. desember. 2013 11:20

Snæfell steinlá í Keflavík

Karlalið Snæfells galt afhroð gegn firnasterku liði Keflvíkinga á laugardaginn þegar liðin mættust í 11. umferð Dominos deildar karla í körfubolta. Eftir jafna byrjun settu heimamenn í fluggírinn og skutust heilum tuttugu stigum fram úr lánlausum Snæfellingum í lok fyrsta leikhluta, 34:14. Munurinn hélst að mestu í öðrum leikhluta og var staðan 53:36 í hálfleik. Keflvíkingar gáfu síðan ekkert eftir í seinni hálfleik. Þeir juku við forskot sitt enn frekar og komust mest þrjátíu stigum yfir um miðjan fjórða leikhluta 101:71. Snæfell minnkaði þó eilítið muninn áður en leikurinn varð allur. Lokastaðan 103:77 fyrir Keflvíkinga.

 

 

Sigurður Þorvaldsson var manna fremstur í liði Hólmara í leiknum með 24 stig en á eftir honum kom Stefán Karel Torfason með 12 stig. Pálmi Freyr Sigurgeirsson kom næstur með 9 stig og síðan Kristján Andrésson og Vance Cooksey með 8 hvor. Þá var Jón Ólafur Jónsson með 6 stig, Finnur A. Magnússon, Snjólfur Björnsson og Sveinn Davíðsson allir með 3 og Jóhann Sævarsson með 2.

 

Hólmarar vilja sjálfsagt gleyma leiknum í Keflavík sem fyrst en liðið vermir 8. sæti deildarinnar með 10 stig nú þegar tímabilið er hálfnað. Gengið hefur upp og ofan hjá liðinu það sem af er vetri og hefur meiðsladraugurinn hrellt það líkt og granna þeirra í Borgarnesi. Fyrsti leikur Hólmara á nýju ári er gegn Þór frá Þorlákshöfn. Leikið verður 10. janúar og fer leikurinn fram í Þorlákshöfn.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is