Forsíða
Auglýsing
Rss straumur af fréttum frá Skessuhorni
Miðaftann. Þriðji Mánadagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. janúar. 2014 11:01

Akurnesingur á meðal þátttakenda í The Biggest Loser Ísland

Í janúar hefjast sýningar á einu stærsta sjónvarpsverkefni síðustu ára hér á landi, The Biggest Loser Ísland, og eiga Akurnesingar fulltrúa á meðal keppenda í þáttunum. Inga Lára Guðlaugsdóttir er 31 árs félagsfræðinemi við Háskóla Íslands og starfar í söluturni Stöðvarinnar á Akranesi. The Biggest Loser Ísland þættirnir eru byggðir á erlendri fyrirmynd samnefndra raunveruleikasjónvarpsþátta sem notið hafa mikilla vinsælda undanfarin ár. Þúsundir einstaklinga hvaðanæva úr heiminum hafa farið í gegnum heilsuferli The Biggest Loser og hafa gjörbreytt lífsháttum sínum með góðum árangri. Milljónir manna fylgjast vikulega með sjónvarpsþættinum og margir Íslendingar hafa árum saman verið aðdáendur bandarísku útgáfu The Biggest Loser en í þáttunum stórbæta keppendur heilsu sína og missa oft ótrúlega mörg kíló á skömmum tíma.

 

 

Það er mikil spenna fyrir íslensku þáttunum og sóttu þrettán hundruð einstaklingar um að komast í þá. The Biggest Loser Ísland eru teknir upp víðsvegar á Reykjanesinu og dvöldu tólf keppendur í tíu vikur á heilsuhótelinu á Ásbrú undir leiðsögn þjálfara þáttarins, þeirra Everts Víglundssonar og Gurrýjar Torfadóttur, sem veittu keppendum þann stuðning sem til þarf í átt að breyttum lífsháttum. Tökum þáttanna er lokið, að undanskildum úrslitaþættinum sem sýndur verður í beinni útsendingu í apríl. Allir þátttakendur eru því komnir heim en eru ennþá í stífu æfingaprógrammi því keppninni er hvergi nærri lokið.

Boðið verður upp á sérstaka forsýningu á fyrsta þætti The Biggest Loser Ísland fyrir íbúa á Akranesi og nágrenni í Bíóhöllinni, miðvikudaginn 8. janúar kl. 20.30. Aðgangur er ókeypis og allir velkomnir á meðan húsrúm leyfir. Það eru SkjárEinn og Saga Film sem framleiða íslensku útgáfuna af The Biggest Loser. Inga Lind Karlsdóttir mun stýra þáttunum sem sýndir verða á fimmtudagskvöldum frá og með 23. janúar á SkjáEinum.

 

Hægt er að skoða kynningarstiklu fyrir The Biggest Loser Ísland hér:

https://www.skjarinn.is/frelsi/trailer/biggest-loser-island/ 

 

Sjá Facebook þáttarins:

https://www.facebook.com/events/194793574043444/

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is