Forsíða
Auglýsing
Rss straumur af fréttum frá Skessuhorni
Miðaftann. Fjórði Mánadagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. janúar. 2014 09:18

Jakob Svavar Sigurðsson er Íþróttamaður Akraness 2013

Hestamaðurinn Jakob Svavar Sigurðsson í hestamannafélaginu Dreyra var kjörinn Íþróttamaður Akraness fyrir árið 2013. Hlaut hann þar með Friðþjófsbikarinn sem afhentur var í 23. sinn. Kjörinu var lýst á fjölmennri samkomu í íþróttahúsinu á Jaðarsbökkum að lokinni þrettándagleði sl. mánudagskvöld. Árangur Jakobs Svavars á árinu var glæsilegur. Á Íslandsmótinu í hestaíþróttum vann hann fjórfalt með því að sigra í fimmgangi, fjórgangi, slaktaumatölti og varð sigurvegari í samanlögðum fimmgangsgreinum á mótinu. Á Heimsmeistaramóti íslenska hestsins sem haldið var í Berlín varð hann annar í slaktaumatölti og fimmti í fimmgangi á hestinum Al frá Lundum II. Einnig urðu þeir í 2. sæti í samanlögðum fimmgangsgreinum. Í haust var Jakob valinn íþróttaknapi ársins á Íslandi.

 

 

 

Önnur í kjörinu um Íþróttamann Akraness varð Valdís Þóra Jónsdóttir úr Golfklúbbnum Leyni. Í þriðja sæti varð svo sundkappinn Ágúst Júlíusson. Valdís Þóra er margfaldur klúbbmeistari Golfklúbbsins Leynis og er í dag á meðal bestu kvenkylfinga landsins. Á Íslandsmótinu í höggleik hafnaði hún í 4. sæti eftir æsispennandi lokadag. Hún leiddi kvennasveit Leynis til sigurs í 2. deild í sveitakeppni GSÍ. Ágúst varð Íslandsmeistari í 50 metra flugsundi á Íslandsmeistaramótinu. Einnig varð hann bikarmeistari í 50m og 100m flugsundi. Hann á nú 18 Akranesmet í öllum flokkum, þar af átta í karlaflokki.

 

Íslandsmeistarar í tíu greinum

Í yfirliti Sturlaugs Sturlaugssonar formanns ÍA við þetta tilefni kom fram að síðasta ár var að mörgu leyti glæsilegt hjá íþróttafólki á Akranesi. ÍA á 35 Íslandsmeistara í tíu íþróttagreinum: badminton, boccia, fimleikum, golfi, hestaíþróttum, karate, keilu, kraftlyftingum, sundi og vélhjólaíþróttum. Árlega veitir Akraneskaupstaður viðurkenningu í formi peningaupphæðar til þeirra félaga sem eiga í sínum hópi Íslands- og bikarmeistara í meistaraflokkum. Að þessu sinni kom hundrað þúsund króna ávísun í hlut hestamannafélagsins Dreyra, Íþróttafélagsins Þjóts, Kraftlyftingafélags Akraness, Keilufélags Akraness og Sundfélags Akraness.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is