Forsíða
Auglýsing
Rss straumur af fréttum frá Skessuhorni
Miðaftann. Þriðji Mánadagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. janúar. 2014 02:36

Veruleg hækkun á póstburðargjöldum Íslandspósts

Íslandspóstur, opinbert hlutafélag í eigu íslenska ríkisins, hækkaði verðskrá sína fyrir bréfapóst um nýliðin áramót um fast að 10%. Hækkunin er í mikilli mótsögn við nýlega gerða kjarasamninga aðila á vinnumarkaði og samkomulag þar sem hvatt er til að hið opinbera og fyrirtæki í landinu haldi verðhækkunum í skefjun. Að öðrum kosti fari af stað víxlhækkun launa og verðlags með tilheyrandi verðbólgu sem gerir 2,8% launahækkun að engu á augabragði. Afar lítið fór af fréttum um væntanlega hækkun Íslandspósts og hefur Skessuhorn heimildir fyrir því að jafnvel föstum viðskiptavinum hafi ekki verið gert viðvart um fyrirhugaða hækkun fyrr en nokkrum dögum eftir að hún tók gildi. Til að hækka verð fyrir þjónustu Íslandspósts þarf önnur opinber stofnun, Póst- og fjarskiptastofnun, að samþykkja beiðni um gjaldskrárhækkun. Á heimasíðu Íslandspósts segir að Póst- og fjarskiptastofnun hafi á Þorláksmessu samþykkt breytingu verðskrárinnar miðað við að hún taki gildi um áramót, eða viku síðar. Í frétt Íslandspósts um hækkuna segir að gjaldskráin hafi verið óbreytt frá 1. júlí 2012 en hún að öðru leyti rökstudd með eftirfarandi hætti:

 

 

„Nokkrar ástæður eru fyrir verðskrárbreytingunni: Í fyrsta lagi hefur bréfum fækkað mikið á undanförnum árum. Í öðru lagi almennar verðhækkanir í rekstri fyrirtækins. Í þriðja lagi fjölgun íbúða sem hefur bein áhrif á kostnað dreifikerfis. Í fjórða lagi lagaskylda Íslandspósts um að veita alþjónustu en ekki hafa náðst fram breytingar á henni, sem Íslandspóstur hefur lagt til.“

 

Hækkun á fimm algengum gjaldflokkum er frá 8% til 9,85%. A póstur hækkar um 8,3%, B póstur um 8,7%, AM póstur um 9%, BM póstur um 9,85% og bréf í þyngdarflokknum 51-100 grömm um 8%.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is