Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. janúar. 2014 03:52

Karlakórinn Söngbræður boðar til veislu- og skemmtikvölds

Karlakórinn Söngbræður heldur þjóðlega skemmti- og matarveislu í félagsheimilinu Logalandi í Borgarfirði næstkomandi laugardag klukkan 20. Til afþreyingar verður söngur þeirra Söngbræðra og félaga í Samkór Mýramanna sem eru gestir kórsins að þessu sinni. Þá mun hljómsveit Söngbræðra leika undir í fjöldasöng og heyrst hefur að einhver gamanmál verði á hraðbergi. Matseðillinn er ekki síður af þjóðlegra taginu. Þar verða þingeysk heit og köld svið frá Fjallalambi á Kópaskeri og saltað hrossakjöt ásamt rófustöppu og kartöflumús. Á hverju ári er hross sérstaklega fellt í aðdraganda þessarar veislu og það hanterað samkvæmt kúnstarinnar reglum í tunnu. Samkvæmt heimildum Skessuhorns ætlaði Viðar Guðmundsson kórstjóri að leggja til hross að þessu sinni úr stóðinu á Miðhúsum á Ströndum. Það fór þó svo að téðu hrossi náði hann ekki þrátt fyrir ítrekaðar tilraunir. Til að standa við loforð sitt slátraði hann því reiðhesti í eigu Guðmundar föður síns. Hestur sá hét Ögmundur þar sem hann hafði slappa vör eftir fæðingu og rakst þar að auki illa í stóði. Þótti hann því um margt líkur nafna sínum. Guðmundur hafði margsinnis hótað því að fella Ögmund, en aldrei haft brjóst í sér til þess, en Viðar sonur hans tók nú óvænt af skarið.

Panta þarf miða á matar- og söngveisluna í síðasta lagi fyrir klukkan 22, fimmtudaginn 16. janúar. Pantanasími er 892-8882 og 894-9535. Miðaverð er krónur 3.500.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is