Forsíða
Auglýsing
Rss straumur af fréttum frá Skessuhorni
Miðaftann. Fjórði Mánadagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. janúar. 2014 06:50

Stofnfundur Hollvinasamtaka HVE verður á laugardaginn

Laugardaginn 25. janúar n.k. verða Hollvinasamtök Heilbrigðisstofnunar Vesturlands stofnuð.  Stofnfundurinn verður í starfsstöð HVE á Akranesi (sjúkrahúsinu) og hefst kl. 12:00.  Áður en dagskrá fundarins hefst verður boðið upp á léttan hádegisverð. Tilgangur stofnunar Hollvinasamtaka Heilbrigðisstofnunar Vesturlands, sem kalla má Vesturlandsvaktina, er eftirfarandi:

 

 

 

 

1.         Að sameina íbúa á Vesturlandi í stuðningi við HVE með regnhlífarsamtökum, sem láti sig varða stöðu þeirrar mikilvægu þjónustu sem heilbrigðismálin eru.

2.         Að standa vörð um öfluga heilbrigðisþjónustu á Vesturlandi, taka þátt í umræðu um stöðu mála, þróun og mikilvægi þjónustunnar.

3.         Að styðja við starfsemi HVE með söfnun fjár til mikilvægra tækja, sem komi þeim íbúum á Vesturlandi til góða, sem nýta þjónustu HVE.

4.         Að verð góð viðbót við annað gott starf einstaklinga, félaga og fyrirtækja á svæðinu sem stutt hafa starfsstöðvar HVE myndarlega á liðnum árum og áratugum.

 

Sem kunnugt er sinnir Heilbrigðisstofnun Vesturlands sjúkrahúss- og heilsugæsluþjónustu á átta stöðum á Vesturlandi, þ.e. á Akranesi, í Borgarnesi, Búðardal, Grundarfirði, Snæfellsbæ, Stykkishólmi, Hvammstanga og Hólmavík. Heilbrigðisþjónustan á öllum þessum stöðum gegnir veigamiklu hlutverki. Þennan hornstein samfélagsins þarf að verja, ekki síst þegar fjárframlög til rekstrar og búnaðar hafa dregist saman með aukinni kröfu um hagræðingu í rekstri.  Sú hagræðing hefur sín takmörk, því þjónustustig heilbrigðisþjónustu á Vesturlandi verður að mæta eðlilegum kröfum íbúanna um þá grunnþjónustu sem styrkir búsetu fólks á svæðinu.  Þá ber einnig að hafa að leiðarljósi að öflug heilbrigðisþjónusta á Vesturlandi getur boðið upp á tækifæri til að auka fjölbreytni í heilbrigðisþjónustu á hagkvæman hátt fyrir samfélagið. Sameinaðir kraftar íbúanna til stuðnings þessari grunnstoð skipta hér miklu máli. 

Það er von þeirra sem undirbúa verkefnið að sem flestir lýsi stuðningi við stofnun samtakanna, taki þátt í stofnun þeirra og hvetji til almennrar þátttöku þannig að Hollvinasamtök Heilbrigðisstofnunar Vesturlands verði jákvætt afl í þágu samfélagsins á Vesturlandi.

-fréttatilkynning

 

Sjá nánar í næsta Skessuhorni

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is