Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. janúar. 2014 11:24

Bæjarstjórn skorar á stjórnvöld vegna stöðu Fellaskjóls

Fjárhagsstaða dvalar- og hjúkrunarrýma um allt land er orðin býsna erfið eins og ítarlega var fjallað um í Skessuhorni í síðustu viku. Eins og kom fram í máli forsvarsmanna heimilanna á Vesturlandi telja þeir að ríkið þurfi að hækka daggjöld um 15% til að rekstur þeirra geti gengið. Bæjarstjórn Grundarfjarðar samþykkti á fundi sínum síðastliðinn fimmtudag ályktun vegna fjárhagsstöðu Fellaskjóls. Þar segir: „Bæjarstjórn Grundarfjarðar lýsir yfir áhyggjum vegna forsendubrests við rekstur Dvalar- og hjúkrunarheimilisins Fellaskjóls. Miðað við núverandi stöðu er rekstrargrundvöllur dvalarheimilisins brostinn vegna fækkunar hjúkrunarrýma og of lágra daggjalda. Bæjarstjórn skorar á heilbrigðisráðherra og ríkisstjórn að hækka daggjöld til dvalar- og hjúkrunarheimila nú þegar.“

 

 

 

Í bókun með áskoruninni er lýst áhyggjum vegna forsendubrests við rekstur Fellaskjóls. „Heimilið er sjálfseignarstofnun og hefur frá upphafi verið rekið af mikilli útsjónarsemi. Nú er hins vegar svo komið að daggjöldin sem koma frá ríkinu nægja ekki fyrir kostnaði. Sambærileg staða virðist vera uppi um allt land, jafnt á stórum og smáum hjúkrunarheimilum.“ Loks segir að hjúkrunarrýmum á Fellaskjóli hafi verið fækkað um eitt, meðan þörf fyrir hjúkrunarrými hafi farið vaxandi. Brýnt sé því að sú ákvörðun verði afturkölluð. „Bæjarstjórn Grundarfjarðar skorar á heilbrigðisráðherra og ríkisstjórn að hækka nú þegar, daggjöld til dvalar- og hjúkrunarheimila.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is