Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. febrúar. 2014 01:24

Snæfellskonur með aðra hönd á bikarnum

Eftir sigur Snæfellskvenna á Keflavíkurstúlkum suður með sjó í gærkveldi má segja að þær séu komnar með aðra hönd á bikarinn sem kemur í hlut deildarmeistaranna í Dominosdeildinni. Snæfellskonur stefna örugglega að sigri í deildinni og ekkert virðist geta stöðvað þær miðað við árangurinn síðustu vikurnar. Snæfell er nú komið með 36 stig þegar sjö umferðir eru eftir. Haukar eru átta stigum á eftir og Keflavík tíu stigum. Leikurinn í Keflavík var jafn framan af. Snæfellskonur voru fjórum stigum yfir eftir fyrsta leikhluta og jafnt var í hálfleik 44:44.Það var í þriðja leikhluta sem gestirnir gengu nánast frá heimastúlkum. Þá var eins og Keflavíkurstúlkur lentu á vegg þegar þær komu að varnamúr gestanna auk þess sem þær hittu illa úr langskotum. Snæfellskonur voru á sama tíma að skora auðveldar körfur. Ellefu stigum munaði á liðunum fyrir lokakaflann og Hólmarar sigldu síðan öruggum sigri heim, 88:79.

Chynna Brown skoraði 23 stig fyrir Snæfell, Hildur Sigurðardóttir 21, tók 9 fráköst og átti 8 stoðsendingar, Hildur Björg Kjartansdóttir 18 stig og 12 fráköst, Eva Margrét Kristjánsdóttir 10 stig og 7 fráköst, Guðrún Gróa Þorsteinsdóttir og Helga Hjördís Björgvinsdóttir 6 stig hvor og Hugrún Eva Valdimarsdóttir 4.

Í 22. umferðinni sem fram fer nk. miðvikudag fær Snæfell Val í heimsókn, sem er í 4. sæti deildarinnar með 20 stig.

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is