Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. febrúar. 2014 09:47

Deildarmeistaratitillinn nánast í höfn hjá Snæfelli

Snæfellskonur gerðu góða ferð til Grindavíkur í gær þar sem þær lögðu heimastúlkur með nærri tuttugu stiga mun; 93:74. Með sigrinum er deildarmeistaratitillinn nánast í höfn hjá Snæfelli. Haukastúlkur sem unnu Keflavík með eins stigs mun um helgina eru átta stigum á eftir og þurfa nú fimm sigrum fleiri en Snæfell úr þeim sex umferðum sem eftir eru til að ná titlinum. Nánast útilokað eins og Snæfellsliðið hefur verið að spila. Leikurinn var fremur jafn í fyrsta leikhluta, en eftir hann var Snæfell þremur stigum yfir, 23:20. Í öðrum leikhluta var spilamennskan sveiflukenndari. Snæfell náði fjórtán stiga mun 38:24, en heimastúlkur skoruðu ellefu stig í röð og þau síðustu í leikhlutanum. Það munaði því einungis þremur stigum á liðunum í hálfleik. Það var síðan í þriðja leikhluta sem leiðir skildu og heimastúlkur virtust ekki eiga neitt svar við leik gestanna. Snæfell var 18 stigum yfir eftir þriðja leikhluta 72:54 og sigldi síðan sigrinum heim af öryggi.

 

 

Hjá Snæfelli var Chynna Brown atkvæðamest með 24 stig og 15 fráköst. Hildur Sigurðardóttir átti einnig mjög góðan leik, með 21 stig, 8 fráköst og 6 stoðsendingar, Eva Margrét Kristjánsdóttir skoraði 16 stig, Hildur Björg Kjartansdóttir 15 og tók 7 fráköst, Guðrún Gróa Þorsteinsdóttir 10 og tók 7 fráköst, Helga Hjördís Björgvinsdóttir 4 stig og Rebekka Rán Karlsdóttir 2.

 

Í næstu umferð fá Snæfellskonur Val í heimsókn í Hólminn nk. miðvikudagskvöld. Valur er í 4. sæti deildarinnar með 22 stig, 14 stigum minna en Snæfell.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is