Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. febrúar. 2014 08:01

Veggspjald um fyrstu einkenni krabbameins í börnum

Í tilefni alþjóðadags krabbameina í börnum, sem var síðastliðinn laugardag, gáfu alþjóðasamtök foreldrafélaga barna með krabbamein (ICCCPO) og alþjóðasamtök barnakrabbameinslækna (SIOP) út veggspjald þar sem vakin er athygli á fyrstu merkjum um krabbamein í börnum. Veggpjaldið er sérstaklega ætlað þeim heilbrigðisstarfsmönnum sem gætu fengið börn með þessi einkenni til skoðunar en tímanleg greining getur skipt miklu máli og aukið batahorfur og lífslíkur barna með krabbamein. Aðildarfélag ICCCPO á Íslandi, Styrktarfélag krabbameinssjúkra barna, dreifir veggspjöldunum til allra heilsugæslustöðva landsins. Texti veggspjaldsins er á íslensku og ensku.

 

 

Um 70-80% krabbameina í börnum eru læknanleg ef þau greinast nógu snemma og eru rétt meðhöndluð.  Á Íslandi greinast 10-12 börn undir 18 ára aldri með krabbamein árlega og er það svipað hlutfall og annars staðar á Vesturlöndum. Ef frá eru talin slys þá er krabbamein algengasta dánarorsök barna á Vesturlöndum. Algengustu krabbamein hjá börnum eru hvítblæði og heilaæxli en þessar tvær tegundir ná yfir rúmlega helming allra krabbameinstilfella hjá börnum. Aðrar krabbameinstegundir sem finnast hjá börnum eru t.d. eitlaæxli, beinæxli og fósturvefsæxli.

Meðhöndlun krabbameina í börnum og unglingum felst fyrst og fremst í lyfjameðferð, skurðaðgerðum og geislameðferð. Hægt er að meðhöndla með þessum aðferðum hverri fyrir sig eða saman. Algengast er að nota lyfjameðferð.

Meðferð krabbameina í börnum krefst samvinnu sérfræðinga á ýmsum sviðum, ekki aðeins til að veita læknismeðferð, heldur einnig sálfélagslegan stuðning við börnin og fjölskyldur þeirra, enda er það yfirleitt mikið áfall fyrir alla í fjölskyldunni þegar barn greinist með jafnalvarlegan sjúkdóm og krabbamein er. Tilgangur starfsemi Styrktarfélags krabbameinssjúkra barna er að vera þessum fjölskyldum til halds og trausts og vera þeim félagslegur og fjárhagslegur bakhjarl ef á þarf að halda.

 

Veggspjaldið má nálgast með að ýta hér.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is