Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. febrúar. 2014 04:41

Vesturlandsliðin fá erfiða andstæðinga í Borgunarbikarnum

Þeir sem vinna að mótamálum KSÍ eru þessa dagana að undirbúa keppnina næsta sumar. Í dag, mánudag, var dregið í Borgunarbikarnum, Bikarkeppninni í knattspyrnu. Vesturlandsliðin í 1. deild karla fá erfiða andstæðinga, einkum ÍA. Skagamenn mæta Grindvíkingum suður með sjó í annarri umferð keppninnar, sem áætlað er að fari fram 13. maí. Bæði þessi lið leika í 1. deild. Þá fengu Víkingar Ólafsvík líka mótherja úr 1. deildinni, HK í Kópavogi, en liðin mætast í Ólafsvík í 2. umferð Borgunarbikarsins. Grindavík og ÍA hafa sett sitt mark á bikarkeppnina um tíðina. ÍA nokkrum sinnum orðið bikarmeistari og Grindavík leikið til úrslita og oft komist langt í keppninni. Þessi tvö lið sem löngum hafa verið í efstu deild í fótboltanum, hafa varla fengið svo verðugt verkefni áður svo snemma í bikarkeppninni.

Liðin sem sigra í annarri umferð Borgunarbikarsins fara í 32-liða úrslit, en þar koma beint inn liðin í Pepsídeildinni. Bikarkeppnin byrjar strax fyrstu dagana í maí og þá mætast í 1. umferð m.a. Skallagrímur og Kári og sigurvegarinn úr þeim leik fær KV heima í 2. umferðinni. Grundfirðingar fá Vatnaliljur í fyrstu umferð og sigurvegarinn úr þeim leik mætir annaðhvort Njarðvík eða KB.

Hjá konunum í Borgunarbikarnum þarf Víkingur Ólafsvík að fara í Grafarvoginn og mæta Fjölni þriðjudagskvöldið 27. maí. Sigurvegarinn úr þeim leik fer í 16-liða úrslitin en þar koma beint inn liðin tíu í Pepsídeildinni, þar á meðal ÍA.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is