Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. febrúar. 2014 08:01

Umsvif Snorrastofu þýðingarmikil fyrir héraðið

Velta menningar- og miðaldasetursins Snorrastofu í Reykholti fór á síðasta rekstrarári yfir 100 milljónir króna og er það í fyrsta skipti í sögu stofnunarinnar sem það gerist. Veltuaukningin nemur um 23 milljónum króna eða 35% frá árinu 2012 og munar einna mest um tekjuaukningu vegna þjónustu við ferðamenn og aukin framlög ýmissa sjóða vegna einstakra verkefna, bæði vegna rannsókna og uppbyggingar fyrir móttöku ferðamanna. Að sögn Bergs Þorgeirssonar forstöðumanns er þetta til marks um hve starfsemi Snorrastofu er orðin umfangsmikil nú á átjánda starfsári sínu. Um leið undirstriki þetta hversu þýðingarmikill staður Reykholt er fyrir allt Vesturland, ekki síst með tilliti til ferðaþjónustu. „Samkvæmt talningu sem við höfum látið framkvæma voru heimsóknir í Reykholt um 170.000 árið 2012. Við teljum að árið 2013 hafi um 30.000 komið inn til okkar í Snorrastofu og Reykholtskirkju ýmist til að nýta sér þjónustu verslunar og upplýsingamiðstöðvar, sækja viðburði eða fara á sýninguna um Snorra Sturluson. Hana sóttu t.d. um 13.000 manns í fyrra sem var vonum framar,“ segir Bergur. Hann segir jafnframt að gestir séu ánægðir með sýninguna.

„Stígandi hefur verið í komu gesta í Reykholt á síðustu árum. Heildaraðsókn dróst saman á árinu 2009 og 2010 en tók kipp á árinu 2012. Það er von okkar að sú þróun haldi áfram á næstu árum.“

 

Rætt er nánar við Berg Þorgeirsson forstöðumanns Snorrastofu í Reykholti í nýjasta tölublaði Skessuhorns sem kom út í gær. Þar greinir Bergur frá hvað sé á döfinni í starfi stofnunarinnar á næstunni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is