Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. febrúar. 2014 06:01

Dalamenn vilja halda mannaðri lögregluvarðstöð og skrifstofu sýslumanns

Á fundi sveitarstjórnar Dalabyggðar sl. þriðjudag kom fram að allsherjarnefnd Alþingis hefur fengið umsögn sveitarstjórnar varðandi frumvarp til laga um breytingu á lögreglulögum. Í umsögninni er m.a. ekki lagst gegn því að landinu verði skipt í átta löggæsluumdæmi eins og lagt hefur verið til. Hvatt er til þess að ráðherra setji í reglugerð ákvæði um hvar lögreglustöðvar verði starfræktar, enda verði með því tryggt að áfram verði starfrækt mönnuð lögreglustöð í Búðardal og að íbúar Dalabyggðar njóti þar með áfram sömu þjónustu og verið hefur. Einnig kom fram á umræddum fundi sveitarstjórnar að fyrir liggi drög að umsögn þar sem því er beint til allsherjar- og menntamálanefndar Alþingis að embætti lögreglustjórans á Vesturlandi og aðalskrifstofa hins sameinaða umdæmis verði staðsett í Borgarnesi. Jóhannes Haukur Hauksson oddviti sveitarstjórnar lagði til að Dalabyggð taki þátt í þessari umsögn að því gefnu að lögregluyfirvöld í Borgarnesi staðfesti vilja sinn til þess að í Búðardal verði áfram starfrækt mönnuð lögregluvarðstöð.

 

 

 

Þá kom líka fram á fundi sveitarstjórnar Dalabyggðar að sveitarstjórn hafi sent allsherjarnefnd Alþingis umsögn um frumvarp til laga um framkvæmdavald og stjórnsýslu ríkisins í héraði. Í umsögninni er m.a. ekki lagst gegn því að landinu verði skipt í níu sýslumannsumdæmi. Hvatt er til að ráðherra setji í reglugerð ákvæði um hvar skrifstofur sýslumanna verði starfræktar, enda verði með því tryggt að áfram verði starfrækt skrifstofa sýslumanns í Búðardal og að íbúar Dalabyggðar njóti þar með áfram sömu þjónustu og verið hefur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is