Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. febrúar. 2014 02:04

Lárus Ástmar verður bæjarstjóri í Stykkishólmi út kjörtímabilið

Á fundi bæjarráðs Stykkishólms síðastliðinn fimmtudag var samþykkt að Lárus Ástmar Hannesson taki við starfi bæjarstjóra frá og með næstu mánaðamótum og gegni því út kjörtímabilið. Gyða mun nú vinna að stofnun endurskoðunarskrifstofu í Stykkishólmi fyrir KPMG og þarf af þeim sökum að draga sig í hlé sem bæjarstjóri. Á fyrrgreindum fundi bæjarráðs var samþykkt að Þór Örn Jónsson bæjarritari taki að sér ákveðin verkefni sem tengjast starfi bæjarstjóra og muni þiggja hærri launagreiðslur á tímabilinu vegna þess. Helga Guðmundsdóttir varaformaður bæjarráðs lagði fram tillöguna og í greinargerð með henni segir að þar sem stutt er eftir af kjörtímabilinu telji hún þetta mjög góða lausn. „Mun þessi ákvörðun ekki hafa kostnaðarauka í för með sér, heldur þvert á móti spara bæjarfélaginu vegna launakostnaðar við starf bæjarstjóra. Í starfslokum Gyðu Steinsdóttur verður gert ráð fyrir að hún sinni ákveðnum verkefnum fyrir Stykkishólmsbæ út kjörtímabilið,“ segir í greinargerð með tillögunni.

 

 

 

Gretar D Pálsson fulltrúi minnihluta Sjálfstæðisflokksins í bæjarráði sat hjá við afgreiðslu tillögunnar sem bæjarstjórn á eftir að fjalla um. Hann lagði fram nokkrar spurningar á umræddum fundi bæjarráðs sem Gyða Steinsdóttir bæjarstjóri svaraði. Meðal annars kom fram í svörum hennar að Lárus Ástmar mun ekki sitja áfram sem formaður bæjarráðs og forseti bæjarstjórnar ásamt því að gegna stöðu bæjarstjóra. Gretar spurðist fyrir um verkefnin sem fráfarandi bæjarstjóri myndi sinna út kjörtímabilið. Fram kom að Gyða mun klára fundarsetur í þeim stjórnum, nefndum og ráðum sem hún er í sem ekki eru verkefni bæjarstjóra, heldur sem fráfarandi bæjarstjóri var valinn í af bæjarstjórn. Sparnaðurinn vegna þessa fyrirkomulags sem tillagan felur í sér er um 700 þúsund krónur. Það er samkvæmt svari Gyðu bæjarstjóra, sem og að engin biðlaunagreiðsla verður vegna starfsloka hennar sem bæjarstjóri.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is