Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. febrúar. 2014 06:01

Kynningarfundur á Akranesi vegna breytinga á krabbameinsleit

Eins og fram hefur komið í Skessuhorni hafa nokkuð róttækar breytingar verið gerðar á fyrirkomulagi krabbameinsleitar á Heilbrigðisstofnun Vesturlands á Akranesi. Einnig er í bígerð að hefja leit að ristilkrabbameini á samskonar hátt og leitað er eftir brjósta- og leghálskrabbameini í konum. Til að kynna þessi mál betur hefur Krabbameinsfélag Akraness og nágrennis boðað til kynningarfundar á sal Fjölbrautaskólans á Akranesi fimmtudagskvöldið 6. mars nk.

 

 

 

„Ákveðið hefur verið að leit eftir brjóstakrabbameini verði hætt á Akranesi en konur á svæðinu verða hér eftir boðaðar í skoðun á Leitarstöð Krabbameinsfélags Íslands í Reykjavík. Leghálsskoðun verður eftir sem áður framkvæmd á Akranesi en með einhverjum breytingum þó,“ segir í tilkynningu frá Krabbameinsfélagi Akraness og nágrennis. Breytingar á fyrirkomulagi krabbameinsskoðunar á Akranesi hafa valdið nokkurri óvissu og jafnvel uppnámi hjá konum á svæðinu. „Krabbameinsfélag Akraness og nágrennis hvetur því sérstaklega konur sem hingað til hafa nýtt sér þjónustuna á Akranesi til að koma og kynna sér í hverju þessar breytingar munu felast. Kristján Oddsson yfirlæknir á Leitarstöð Krabbameinsfélags Íslands kemur og útskýrir nánar í hverju breytingarnar felast.

 

Karlar eru jafnframt hvattir til að mæta á kynningarfundinn þar sem Fritz H. Berndsen, yfirlæknir handlækningadeildar HVE á Akranesi og sérfræðingur í almennum skurðlækningum, mun á fundinum fjalla um ristilkrabbamein en í bígerð er að leita eftir ristilkrabbameini á samskonar hátt og nú er leitað eftir brjósta- og leghálskrabbameinum hjá konum. Inn á milli fróðlegra krabbameinserinda verða síðan stórskemmtileg tónlistaratriði sem verða frekar auglýst er nær dregur. Vinnustaðahópar, saumaklúbbar, matarklúbbar, konur og karlar ættu því að taka frá fimmtudagskvöldið 6. mars og fjölmenna á fræðandi og skemmtilegan viðburð í FVA. Svo er ekki seinna vænna að fara að safna í mottu því mottumars er handan við hornið,“ segir í tilkynningu frá félaginu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is