Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. mars. 2014 06:01

Nýsköpun og framtíðarsýn í sveitum rædd á málþingi

Áhugamenn um byggðamál og framtíð landbúnaðar og matvælavinnslu koma ekki að tómum kofanum laugardaginn 8. mars næstkomandi á Hvanneyri. Þá verður efnt til málþings í Ársal Landbúnaðarháskólans undir yfirskriftinni Nýsköpun og framtíðarsýn í sveitum. Það er kvikmyndafyrirtækið Búdrýgindi í Árdal í Andakíl, sem framleitt hefur sjónvarpsþættina um „Hið blómlega bú,“ sem stendur fyrir málþinginu. Að sögn Bryndísar Geirsdóttur hjá Búdrýgindum er málþingið opið öllum og vonast hún til að sem flestir bændur láti sjá sig og allir áhugamenn um afurðaframleiðslu í sveitum. „Framsögumenn eru einvalalið, allir sérfræðingar á sínu sviði. Fyrirlestrarnir verða nokkuð stuttir og skorinorðir því vonin er sú að frjóar umræður skapist í kjölfar þeirra,“ segir Bryndís sem vonar að fólk láti ekki þetta tækifæri fram hjá sér fara.

 

 

Framsögumenn á málþinginu verða þau Vilhjálmur Egilsson rektor Háskólans á Bifröst, Dominique Pledel Jónsson hjá Slow Food Reykjavík, Brynhildur Pálsdóttir hönnuður hjá Vík-Prjónsdóttir og verkefninu Stefnumóti hönnuða og bænda, Gunnþórunn Einarsdóttir hjá Matís, Arnheiður Hjörleifsdóttir hjá Ferðaþjónustunni Bjarteyjarsandi, Davíð Freyr Jónsson hjá Arctic Seafood og matarsmiðju í Borgarnesi og Guðrún Bjarnadóttir, meistaranemi við LbhÍ og eigandi Hespu í Andakíl. Dagskrárstjóri verður Kolfinna Jóhannesdóttir skólameistari Menntaskóla Borgarfjarðar. Framsöguefni verða fjölbreytt og verða m.a. um hönnun, matvælavinnslu, matvælaþróun og sjálfbærni svo eitthvað sé nefnt.

 

Kaffiveitingar verða seldar á staðnum á vegum kvenfélagsins 19. júní á kr. 500. Málþingið stendur yfir frá kl. 13-16.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is