Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. mars. 2014 06:01

Undankeppni Nótunnar fer fram í Borgarnesi á laugardaginn

Næstkomandi laugardag mun Borgarnes iða af lífi, tónlist og söng því fjöldi nemenda frá tónlistarskólum af Vesturlandi, Vestfjörðum og Vestur-Húnavatnssýslu mun þá hittast í Borgarnesi og keppa um þátttökurétt á lokahátíð Nótunnar 2014, uppskeruhátíð tónlistarskólanna. Aðalkeppnin fer svo fram í Hörpu síðar í mánuðinum. Tónleikarnir í Borgarnesi fara fram í Hjálmakletti, sal Menntaskóla Borgarfjarðar, og hefjast kl. 13:30. Keppt verður á þremur getustigum, þ.e. nemendur í grunnnámi, miðnámi eða framhaldsnámi, og í opnum flokki. Þarna koma fram nemendur sem einleikarar/söngvarar eða í misstórum samspils- og/eða söngatriðum.

Í undankeppninni nú á laugardag koma fram nemendur tíu tónlistarskóla. Þeir eru: Tónlistarskóli Borgarfjarðar, Tónlistarskóli Ísafjarðar, Tónlistarskóli Bolungarvíkur, Tónlistarskólinn á Akranesi, Auðarskóli í Búðardal, Tónlistarskóli Stykkishólms, Tónlistarskóli Snæfellsbæjar, Grunn- og tónskólinn á Hólmavík, Tónlistarskóli Húnaþings vestra og Tónlistarskóli Súðavíkur.

 

 

Nótan – uppskeruhátíð tónlistarskóla er samstarfsverkefni Félags tónlistarskólakennara, Félags íslenskra hljómlistarmanna og Samtaka tónlistarskólastjóra. Uppskeruhátíðin var í upphafi hugsuð sem ný vídd í starfsemi tónlistarskóla og er hátíðin í senn faglega hvetjandi og skemmtilegt innlegg í starfsemi tónlistarskóla fyrir aðstandendur skólanna jafnt innan veggja þeirra sem utan. Tónlistarskólar landsins eru um níutíu talsins. Þar fer fram gríðarlega fjölbreytt og öflugt starf og með hátíðinni er kastljósinu beint að þessum samfélögum og tónlistarnemendum veittar viðurkenningar fyrir afrakstur vinnu sinnar. Markmiðið er að auka sýnileika og styrkja tengsl tónlistarskóla við umhverfi sitt. Uppskeruhátíðin sjálf er þrískipt og skipulögð þannig að allir geti tekið þátt. Þátttakendur eru frá öllu landinu, á öllum aldri og efnisskráin endurspeglar ólík viðfangsefni tónlistarnemenda á öllum stigum tónlistarnáms.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is