Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. mars. 2014 03:43

Flutningabíll á hliðinni á Hjallahálsi

Flutningabíll valt á Hjallahálsi sl. föstudagskvöld. Það gerðist í S-beygjunum svokölluðu Djúpadalsmegin. Ökumaðurinn mun hafa meiðst nokkuð en þó ekki alvarlega, að því er fram kemur á vef Reykhóla. Menn úr Reykhólahreppi fóru á laugardagsmorgun til að skoða aðstæður og meta hvað hægt væri að gera til að rétta bílinn við og ná honum upp. Snjóblásari sem hefur verið á Þröskuldum var fenginn á staðinn og blásið frá með honum og einnig var komið með beltagröfu á staðinn. „Okkur skildist að farmurinn væri eitthvert smáræði, en það reyndust vera líklega um tólf tonn af timbri og sementi ásamt fleiru,“ sagði heimildamaður Reykhólavefsins. Aðgerðum var hætt á laugardagsköld enda þá komið vitlaust veður og myrkur. Til stóð í dag að reyna áfram að reisa bílinn við og koma honum á veginn, enda hefur veðrið lagast.

 

 

 

Í athugasemd við fréttina á Reykhólavefnum sagði Kolbrún Pálsdóttir. „Þetta er alveg skelfilegt að sjá og það er mikið lán að bílstjórarnir skulu sleppa að mestu óskaddaðir frá svona slysum sem verða á þessum fjallvegum sem okkur er ennþá boðið uppá árið 2014. Ég veit ekki hvort fólk almennt veit það, en á undanförum árum hafa sjö flutningabílar eyðilagst á þessum þremur heiðum, það er tveir á Kleifarheiði, einn á Kletthálsi og fjórir á Hjallahálsi. Skaði flutningafyrirtækisins er mikill, svo og sá tilfinningalegi skaði sem bílstjórarnir verða fyrir, sem oftar en ekki verður til þess að þeir treysta sér ekki lengur til að keyra þessa vegi og hætta,“ segir Kolbrún, en umrætt flutningafyrirtæki er Nanna ehf. á Patreksfirði.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is