Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. mars. 2014 08:01

Vestlensk bókaútgáfa í strögli

Bókaútgáfan Uppheimar glímir við rekstrar- og skuldavanda og hefur starfseminni að mestu verið hætt meðan farið er yfir stöðuna. Dreifing á bókum er þó af lager til verslana og á bókamarkaði. Að óbreyttu verður ekki um frekari útgáfu að ræða og líkur á að rekstrinum verði hætt, að sögn útgefanda. Ákvörðun um slíkt sé í höndum viðskiptabanka Uppheima, sem á stærsta kröfu í fyrirtækið.

Kristján Kristjánsson útgefandi og stofnandi Uppheima segir þetta dapurlega niðurstöðu en hjá einhvers konar uppgjöri sé ekki komist. „Það standa yfir samningaviðræður við lánardrottna sem allar líkur eru á að endi með því að einkahlutafélagið verði sett í slitameðferð. Sjálfur hef ég tekið þá ákvörðun að hætta bókaútgáfu og snúa mér að öðru.“ Kristján segir líklegast að hann snúi sér aftur að ritstörfum en hann starfaði sem rithöfundur áður en ráðist var í stofnun Uppheima fyrir þrettán árum. „Ætli næsta verk sé ekki að finna útgefanda,“ sagði Kristján í gamansömum tón.

 

 

Kristján segir að það hafi um tíma komið til greina að selja fyrirtækið en því sé ekki að leyna að bókaútgáfa hér á landi starfi við afar erfiðar aðstæður og hafi það dregið úr sölumöguleikum. „Bókaútgáfa er erfiður rekstur þótt sumir hafi viljað halda öðru fram. Það er samdráttur á bókamarkaði og dýrari titlar hafa ekki verið að ganga sem skyldi. Það er þó enn verið að skoða stöðuna. Kannski er ekki hægt að útiloka að einhver vilji kaupa rekstur og lager, slíkt kemur væntanlega fljótlega í ljós. Í það minnsta er lager fyrirtækisins býsna stór og verðmætur,“ segir Kristján.

 

Að óbreyttu eru því líkur til að vestlensk bókaútgáfa sé að renna sitt skeið í bili að minnsta kosti. Fyrir nokkrum árum var Hörpuútgáfan seld en bæði þessi fyrirtæki hófu rekstur á Akranesi og gáfu út fjölda titla sem tengdust Vesturlandi með einum eða öðrum hætti.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is