Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. mars. 2014 12:01

Málþing um pílagrímagöngur í Reykholti

Félagið Pílagrímar og Kirkjumiðstöðin í Reykholti standa fyrir málþingi um pílagrímagöngur laugardaginn 22. mars næstkomandi. Leiðtogar og frumkvöðlar í pílagrímagöngum á Norðurlöndum verða fyrirlesarar á málþinginu, þau séra Elisabeth Lidell pílagrímaprestur í Árósum í Danmörku og Arne Bakken pílagrímaprestur í Hamar biskupsdæmi í Noregi. Þau munu greina frá pílagrímagöngum á Norðurlöndum og þeirri vakningu sem orðið hefur um þær á undanförnum árum, sem og gera grein fyrir guðfræðinni sem liggur að baki þeim.

 

 

 

Félagið eða hópurinn Pílagrímar hefur verið starfandi í nokkur ár og er borgfirskt. Helstu forsvarsmenn þess eru prestarnir sr. Elínborg Sturludóttir í Stafholti, sr. Geir Waage í Reykholti, sr. Flóki Kristinsson á Hvanneyri og Hulda Guðmundsdóttir guðfræðingur og skógar- og kirkjubóndi á Fitjum í Skorradal. Þau hafa skipulagt pílagrímagöngur úr Borgarfirði í Skálholt og nokkrum sinnum gengið um þessar slóðir. Meðal annars var síðasta sumar opnuð pílagrímaleið frá Bæ í Bæjarsveit í Skálholti.

 

Elínborg í Stafholti segir að áhugi sé vaxandi fyrir pílagrímagöngum hér á landi. Hún segir mikinn feng í að fá helstu frumkvöðla pílagrímaganga á Norðurlöndum til framsögu á málþinginu. Íslendingar hafi í gegnum söguna mikil tengsl við Niðarós í Noregi, þar sem fram á aldir var dómkirkja Íslendinga. Pílagrímaferðir hafi verið farnar út frá Niðurósi í aðra landshluta Noregs sem og gegnum Evrópu til Rómar og á Jakobsveginn til Spánar. Pílagrímagöngur og guðfræðin á bak við þær verði til umfjöllunar á málþinginu. Fyrirlesararnir munu að loknum fyrirlestrum sínum svara spurningum gesta á málþinginu, auk þess að gefa góð ráð og leiðbeiningar í sambandi við skipulagningu og framkvæmd pílagrímaganga. Elínborg í Stafholti hvetur áhugafólk um pílagrímagöngur til að mæta á málþingið og segir alla þar velkomna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is