Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. mars. 2014 11:30

Snæfellstap í háspennuleik í Njarðvík

Áhorfendur í Ljónagryfjunni í Njarðvík urðu vitni að hörkuleik í gærkveldi þegar Snæfell var þar í heimsókn í Dominosdeild karla. Leikurinn var mikilvægur báðum liðum, Njarðvík að berjast fyrir fjórða sætinu og heimavallarrétti í úrslitakeppninni og Snæfell að verja sæti sitt í úrslitakeppninni. Lengi vel leit út fyrir fremur öruggan sigur heimamanna en Snæfellingar gyrtu sig í brók og úr varð háspenna á lokamínútunum. Lokatölur 83:81 fyrir Njarðvík.

Njarðvíkingar byrjaði mun betur í leiknum sem sveiflukenndur lengst af. Heimamenn voru fjórum stigum yfir eftir fyrsta leikhluta, 25:21.

Njarðvíkingar voru mun betri í öðrum leikhluta og höfðu 17 stiga forskot í hálfleik, 60:43. Eitthvað hefur Ingi Þór messað yfir sínum mönnum í leikhléinu því allt annað Snæfells lið kom inná í seinni hálfleik og Snæfellingar byrjuðu að raða niður stigum og spiluðu flotta vörn. Eftir þriðja leikhluta var munurinn dottinn niður í níu stig 69:60. Snæfell kom sterkt inn í fjórða leikhluta og skoraði fyrstu fimm stigin. Njarðvík svaraði með því að skora næstu átta stig á móti einu víti gestanna og voru þar með komnir með þægilegt forskot 77:66 og fimm mínútur eftir. Þá kom svakalegur kafli gestanna, 13 stig í röð og Snæfell komið yfir 77:79 þegar rúmar tvær mínútur voru eftir. Lokamínúturnar voru síðan algjör háspenna. Njarðvíkingar höfðu stríðsgæfuna með sér og náðu að ljúka leiknum með ævintýralegri sigurkörfu þegar tvær sekúndur voru til leiksloka.

 

Hjá Snæfell var Trevor Cohn III atkvæðamestur með 24 stig, 7 fráköst og 6 stoðsendingar. Jón Ólafur Jónsson kom næstur með 18 stig og 9 fráköst, Finnur Atli Magnússon skoraði 9 stig, Stefán Karel Torfason og Pálmi Freyr Sigurgeirsson 8 hvor, Kristján Pétur Andrésson 5, Sigurður Á Þorvaldsson 4, Sæþór H Þorbergsson 3 og Snjólfur Björnsson 2.

 

Í lokaumferð Dominosdeildarinnar nk. sunnudag fær Snæfell Keflavík í heimsókn, sem gætu orðið mótherjar Snæfellinga í úrslitakeppninni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is