Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. mars. 2014 08:01

Ríkisstjórnin setur Sundabraut á samgönguáætlun að nýju

Hanna Birna Kristjánsdóttir innanríkisráðherra kynnti samgönguáætlun fyrir tímabilið 2013 til 2016 í ríkisstjórn í liðinni viku og var hún þar samþykkt. Í kjölfarið verður hún lögð fyrir Alþingi sem tillaga til þingsályktunar. Tólf ára stefnumótandi samgönguáætlun skal endurskoða á fjögurra ára fresti og er endurskoðun hennar hafin. Tekur hún til áranna 2015-2026 og er miðað við að samgönguráð geti lagt hana fyrir ráðherra næsta haust. Meðal stærstu framlaga á næsta ári til samgöngumannvirkja má nefna þriggja milljarða króna framlag til Norðfjarðarganga, um 800 milljóna króna framlag til breikkunar á Hellisheiðarvegi, framkvæmdir við Arnarnesveg fyrir um 500 milljónir króna og vinnu við Vestfjarðaveg, Dettifossveg og við nýja brú yfir Jökulsá á Fjöllum en þessi þrjú verkefni fá um 400 milljónir króna hvert. Þá er Sundabraut komin á samgönguáætlun að nýju en ríkisstjórnir stefnir á að hefja samstarf einkaaðila og ríkisins vegna fjármögnunar hennar á tímabilinu.

Einnig gerir áætlunin ráð fyrir framkvæmdum við jarðgöng undir Húsavíkurhöfða vegna uppbyggingar á Bakka fyrir um 850 milljónir króna.

 

Af öðrum verkefnum má nefna að miðað er við að Dýrafjarðargöng verði boðin út árið 2016 og gert er ráð fyrir að rannsóknir vegna Fjarðarheiðarganga hefjist í ár. Einnig verður sett umtalsvert fé til lagningar slitlags á tengivegi víðs vegar um landið og til hjóla- og göngustíga, umferðaröryggisaðgerða og ýmissa lagfæringa til að greiða fyrir almennri umferð og umferð almenningsvagna á höfuðborgarsvæðinu.  Loks verður fjármagni áfram veitt til endurbóta og rekstrar á Landeyjahöfn og reiknað með að ríkishluti framkvæmda við hafnarmannvirki verði almennt í takti við fyrri áætlanir.

 

Aukin áhersla á öryggi og viðhald

Til viðhaldsverkefna á að verja á næsta ári rúmum 5,4 milljörðum króna sem er 10% hækkun frá þessu ári. Áætlunin gerir ráð fyrir að til vegamála verði heildarframlög á næsta ári alls um 23,7 milljarðar króna en í ár nemur framlagið alls um 20,4 milljörðum. Til hafnaframkvæmda verði varið á næsta ári kringum 1,2 milljarði króna og til flugmála um 1,7 milljörðum króna en af þeirri upphæð eru um 370 milljónir í stofnkostnað og viðhald.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is