Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. mars. 2014 01:34

Skipulag Ríkisútvarpsins tekur breytingum

Magnús Geir Þórðarson, sem er nýtekinn við embætti útvarpsstjóra, kynnti áherslur sínar og stefnu í rekstri Ríkisútvarpsins á fundi í Útvarpshúsinu í morgun. Þar kynnti Magnús nýtt skipulag RUV sem samþykkt var af stjórn stofnunarinnar í gær. Í nýja skipuritinu fær dagskrárhluti starfseminnar aukið vægi, stoðsvið eru sameinuð og töluverð breyting verður á hlutverkum sviða Ríkisútvarpsins. Vegna breytinganna hefur öllum framkvæmdastjórum stofnunarinnar verið sagt upp og verða nýjar framkvæmdastjórastöður auglýstar lausar til umsóknar á næstunni. Við ráðningu nýrra framkvæmdastjóra verður m.a. gætt að fjölbreytileika og jafnvægis milli kynja. Nýtt skipulag og skipurit mun loks taka gildi þegar ný framkvæmdastjórn tekur til starfa að loknu ráðningarferli. Samkomulag hefur náðst um að núverandi framkvæmdastjórn sinni störfum sínum áfram fram að þeim tíma.

Magnús Geir greindi einnig frá því að hafin sé vinna við endurskoðun á húsnæðismálum Ríkisútvarpsins. Möguleikar á flutningi í hentugra húsnæði eða breytingum á núverandi húsnæði verða kannaðir. Samhliða verður unnið að endurnýjun á tæknibúnaði til að gera starfseminni betur kleift að mæta nýjum tíma. Fjármál RUV verða sömuleiðis endurskoðuð en uppfærð rekstraráætlun stofnunarinnar segir að tap af rekstrinum verður umtalsvert meira en áætlanir fráfarandi framkvæmdastjórnar gerðu ráð fyrir. Nú er gert ráð fyrir að tapið verði 305 m.kr. fyrstu 6 mánuði ársins og 357 m. kr. á rekstarárinu öllu. Tapið kemur til jafnvel þó að gripið hafi verið til umfangsmikilla niðurskurðaraðgerða á tímabilinu. Niðurstaðan mun hafa veruleg áhrif á eigið fé Ríkisútvarpsins, en það var við lok síðasta rekstrarárs 653 m.kr.

 

Aukin áherslu á RÚV á landsbyggðinni

Meðal annarra breytinga sem kynntar voru í af nýjum útvarpsstjóra var að dagskrársvið Rásar 1 og Rásar 2 verða aðskilin til að styrkja rásirnar, nýtt samskiptasvið mun vinna að því að opna umræðuna um Ríkisútvarpið bæði inn á við og út á við og nýmiðladeild sem sinnir ruv.is verður efld. Þá verður unnið að því að auka áherslu á starfsemi RUV á landsbyggðinni og dagskrá þaðan. Starfsemi svæðisstöðva verður færð af fréttasviði en nánari útfærsla verður kynnt síðar.

 

Vill setja áhorfendur og hlustendur í fyrsta sæti

„Ríkisútvarpið hefur verið með þjóðinni í hartnær heila öld og er ein helsta menningar- og lýðræðisstofnun þjóðarinnar. Eftir erfiða tíma að undanförnu er kominn tími til að draga línu í sandinn, snúa vörn í sókn og horfa bjartsýn til framtíðar. RUV býr yfir einstökum hópi starfsmanna og á ríkan sess í hjörtum landsmanna. Það eru mikil tækifæri til sóknar og ég er ekki í vafa um að framundan séu spennandi tímar þar sem sköpun, metnaður og gleði verða höfð að leiðarljósi. Við viljum leggja aukna áherslu á innihaldið, dagskrána sjálfa og innlenda gæðaframleiðslu. Samhliða viljum við opna samtalið um okkar Ríkisútvarp. Við viljum vera með þjóðinni og setja áhorfendur og hlustendur í fyrsta sæti. Til að þetta sé mögulegt þurfum við að stokka starfsemina upp til að nýta betur þann auð sem við búum yfir á Ríkisútvarpinu,“ segir Magnús Geir Þórðarson útvarpsstjóri í fréttatilkynningu frá RUV. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is