Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. mars. 2014 02:05

Eldi á norskum laxi talin ógn við laxastofna

Landssamband veiðifélaga (LV) sendi erfðanefnd landbúnaðarins bréf 24. febrúar sl. þar sem m.a. var vakin athygli á áformum um stóraukið eldi á norskættuðum laxi í sjókvíum. Óskaði LV eftir því að erfðanefndin fjallaði um þá hættu sem slíkt hefði í för með sér fyrir íslenska laxastofna. Bréfið var tekið fyrir á fundi Erfðanefndar landbúnaðarins 10. mars og hefur Landssambandi veiðifélaga borist svar. Í svari erfðanefndar kemur m.a. fram að erfðarannsóknir sýni að; „íslenskur lax er mjög frábrugðinn norskum laxi og má því líta á norskan eldislax sem framandi stofn á Íslandi. Varðandi áhættu af laxeldi og hugsanleg áhrif á íslenska laxastofna telur erfðanefnd landbúnaðarins fulla ástæðu til að huga að áhrifum af auknu laxeldi hérlendis á villta íslenska stofna, en laxeldi í sjókvíum er í dag talin ein helsta ógnin við villta laxastofna og sýna rannsóknir að nálægð við laxeldi getur leitt til hnignunar laxa- og urriðastofna.“

 

 

Í bréfi erfðanefndar kemur einnig fram að helstu áhrif laxeldis eru talin vera vegna samkeppni, útbreiðslu laxalúsar, útbreiðslu sjúkdóma og erfðablöndunar. Erfðablöndun eldislax og villtra stofna getur stuðlað að hnignun villtra stofna, t.d. með breyttri erfðasamsetningu þeirra sem brotið getur upp náttúrulega aðlögun og leitt til einsleitni í erfðasamsetningu stofna eins og sést hefur bæði í Noregi og í Elliðaánum.

 

Nánar er fjallað um málið og svar erfðanefndar á heimasíðu Landssambands veiðifélaga; www.angling.is 

 

Við þetta má bæta að Sigurður Ingi Jóhannsson sjávarútvegsráðherra mælti í gær fyrir frumvarpi á Alþingi um breytingu á lögum um fiskeldi sem miðar að því að einfalda stjórnsýslu, eftirlit og leyfisveitingarferli með greininni. Í frumvarpinu er jafnframt að finna nýmæli um auknar kröfur til búnaðar í sjókvíaeldi með það að markmiði að verja hagsmuni villtra laxastofna. Ráðherra er þarna að einhverju leyti að svara varnaðarorðum og gagnrýni LV.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is